12月31日(星期一)~上個月..姨媽姨丈返黎香港
暫住係娘家屋企~聽媽媽講..妹妹無點出過私竇
係食野+去洗手間先出黎一陣~攪掂又閃返入房
果段時間..我都返過娘家兩次~有次屋企無人呢
都見妹妹出左黎~不過晏d佢地返黎又閃返入房
所以見妹妹既時間真係好少囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
依日終於可以返娘家探下妹妹啦^^
入到屋..佢又係用被卷住係私家椅瞓覺
同佢請個安~摸佢一陣都唔騷擾佢瞓覺lu
之後同爸媽去海濱徑散完步..返黎傾陣計
妹妹就瞓醒啦~仲係被竇伸個懶腰先跳落地
食完野+去埋洗手間~我同佢梳下毛+拍大陣
拍完四圍行下+八下阿喂~又聽我地講野咁囉^^
![]()
依日妹妹好活躍+四圍走~仲跳上矮櫃上面
原本都無問題既~但我同阿喂杯水係道又無杯蓋
費事阿喂多野講~所以襯佢見唔到..
快手抱走妹妹~原來隻衰野好鬼重架(哈哈)
![]()
依日妹妹都算好俾面~8度咁凍都出黎玩咁耐
如果佢鐘意比人抱就好啦~我實抱住佢唔放^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
