10月30日(星期日)~三星期前..埃及班團友話約去"南丫島"
隨即我搵定船期+晚飯地點email佢地~同時顧及佢地要返工
假期唔約太早+預埋佢地慣性遲到~所以安排坐晏一班船
連遲到既時間都預埋~依早約定11:30am準時係碼頭等
然後坐11:50am果班船~先入"索罟灣"環島遊一圈(大約2.5小時)
再向"榕樹灣"方向走~時間方面大約預計4個鐘左右完成
加上有心去..我唔想只係由"索罟灣>榕樹灣"行咁少時間囉
所以比定心理準備佢地~行既時間比較長..佢地都好ok呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
~
不過依日有人遲到既時間~遠遠係我同阿喂既預期內
老實講..我係對事唔對人~我同阿喂真係好憎人"遲到"
我覺得約好幾點就應該準時要到~同埋時間係自己預架
唔好賴左賴右搵藉口話攪到遲到~係我眼中依點唔成理由
總之遲到就係遲到~坐飛機去旅行都唔見會遲到啦
所以我覺得慣性遲到~可以反映一個人既品格問題囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
~
依日同阿喂等到無晒mood~尾段回程其中一個fd同我地講
假期應該hea住過+relax下~仲話佢約d朋友如果遲到一個鐘
佢都會hea住等~我即刻駁返佢囉..雖然假期係要hea住過
但唔代表我d時間..要hea住等人遲到咁浪費~如果要hea
我hea住陪佢行多一個鐘都無問題(根本觀點+原則唔同..我唔認同佢囉)
(早排又收到依個fd話想約離島遊既email..我腦海即現"遲到"+心理陰影下..即刻好頭痛
@.@)
~ ~ ~ ~ ~ ~ ~ ~ ~ ~ ~ ~ ~ ~ ~
~ ~ ~ ~ ~ ~ ~ ~ ~ ~
途經IFC既APPLE
SHOP..11點多已經好多人
回程場面更甚~簡直人多到水洩不通
約好"南丫島"碼頭集合~由於"索罟灣"船期比較疏(除左有加班船外)
所以寧願預先入島..回程由"榕樹灣"走會方便好多(半小時一班)
可惜"索罟灣"既船最終趕唔上~又無理由等1點幾果班船架ma
唯有改轉入"榕樹灣"~12點會有船..好在臨關閘前3分鐘趕得切(呼~!)
依日天氣好好..溫度仲高達31度
邊行邊食..串燒好正好味道
停一停..大家再食碗豆腐花
有豆香又夠滑~糖水帶微薑辣味~不過糖水份量太多..好甜
離開食店區..我地正式開始行山
尾段有個小農莊..大家興高采烈下都幫襯買返d自家種蔬菜
有白菜+菜心選擇~菜種好新鮮脆身..比市面既耐放+有清菜味
差不多去到"索罟灣"..望望錶原來行左3個幾鐘@.@
所以我地話唔環島遊"索罟灣"~費事8點都未走得
最後坐加班船返出中環~食埋韓燒晚餐就say
bye啦
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================