家族聚會。三門仔BBQ

4月21日(星期六)~上個月外婆生日飯局時

表弟話想攪"老表聚會飯局"~作為表姐既..當然支持啦

原本只係夾埋表弟表妹既~後尾知道有2個表妹+舅母

4月會返黎香港2星期~所以撞日不如擇日..就埋佢地囉

之後再約埋阿姨,媽媽+另一個舅母~最終就變成"家族聚會"(哈哈)
依次由表弟做攪手~地點..三門仔"雄生士多"海鮮BBQ

前幾日仲連續落左好多雨~感恩..依日天氣超好仲有陽光呢^^



食物方面..只要提供人數~士多會預計份量











海鮮食材全部都好新鮮



除左海鮮~仲有肉類







叉燒粒



金沙骨



羊架





蔬菜方面..有蕃薯,粟米,菇類



調味供應..牛油,蒜茸



大曬冷^^



依日真係辛苦晒舅父仔lu~佢全程負責燒海鮮

2個舅母+媽媽+阿姨就打牌~舅父仔燒完比佢地食

又輪住再燒比我地食^^



wow..真係超正好好味~舅父仔燒得好靚呢



d蕃薯仲超甜~整體依間士多既食材都好新鮮

肉類醃得好平均..唔覺好鹹+口渴~而環境都好唔錯

我地坐正面海位置+有蓋的~有風吹住都唔覺好熱呢

依晚真係超開心既聚會~同d表好多野傾又可以見到表姨甥仔

真係超乖超定又唔會四處走~連阿喂都話佢超乖

玩到11點見時間都差不多~大家就一齊走lu^^



BBQ消費 : 180/位 (共12人..士多買飲品亦以記帳方法)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================