Saturday Lunch。Itailan Tomato Cafe

9月12日(星期六)~依早接近8點就自然醒

見咁耐無飲茶~原本諗住陪老闆飲茶既..佢又話No

咁問定佢晚餐想食咩呢?! 又話諗唔到..想係屋企食

我未開到口講"Day Off"兩個字~佢已經即刻講(表情仲好煩悶)

話"出街又無咩想食~係街食到好悶"~當時..我吞左下口水

心諗"唔係卦?! 我都日日煮飯你食過喎~好在無話悶啫"

反正昨晚出左去同佢家人做節~咁是但啦! 係屋企煮海鮮

應承左佢之後..佢話晏d出去食pizza~滿足下我咁話喎

睇左幾間西餐廳~最終揀去"Itailan Tomato Cafe"

* * * * * * * * * *

好耐之前分店係"綠楊坊"~搬左去Skyline Plaza都未幫襯過

食店環境ok..地方比舊舖大~我地揀坐卡檯..座位寬敞舒適

我點Set Lunch~老闆點正餐(另加set)~送上餐湯"忌廉蘑菇湯"



忌廉湯濃稠度唔算厚..但都ok~忌廉奶味平均..蘑菇粒好多



Set Lunch.."明太子墨魚薄餅"($82)



餡料及芝士足料..配搭清清淡淡又帶點鹹香

底層番茄醬再多d就更好





批底好薄身..脆口中帶少少韌~整體味道都ok



老闆既"特製肉醬意粉"($48)

(另+$52轉午餐)..跟上餐湯,蛋糕&餐飲



意粉熟度好ok~但肉醬唔夠豐富~醬汁唔夠濃郁..欠惹味度



自選蛋糕..我揀左"檸檬芝士撻"獨享

芝士及檸檬味好平均..口感軟滑

檸檬味清新又帶微酸好開胃

撻皮鬆脆~邊位仲有點點開心果碎



餐飲.."熱咖啡"~咖啡好一般..完全無回魂感覺

整體食物水準都可以~環境舒服..服務唔錯(總消費:$205)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================