荃灣。韓板燒肉專門店

8月8日(星期六)~台灣打風..依日天氣超級焗熱

老闆話唔好咁早出動..日頭係屋企避暑~早餐又話食餐蛋麵

都好! 因為聽日娘家有家族飲茶聚會~多d時間攪掂屋企野

聽日可以輕輕鬆鬆..瞓醒就出發~上星期出開去四圍行

發現開左間"韓板燒肉專門店"~即刻講定今個星期去試

昨日打去訂檯話full晒~可以早d walk in..但限時90分鐘

無客等位就可以繼續食~反正食完早餐..直落等食晚餐

決定5:45pm早d去食..去到即刻有位~食店範圍唔算大

有卡檯..圓檯..合併檯~空間感較為迫~我地安排坐圓檯

交低平板電腦..用作點食物~隨即送上前菜 & 爐邊倒入蛋漿


前菜可以叫服務員refill~泡菜味道平均..鹹辣度唔會太濃



蔬菜新鮮..份量充足~蒜片辣椒都可以refill



我點個"六味小豬豬"($238)

有蒜蓉..咖哩..海鹽..辛辣..香草..味噌



每件腩肉好大條~厚薄度適中..肉質好唔錯

想由淡至濃咁試~所以第一款燒"海鹽"



逐片燒..香草 > 蒜蓉 > 咖哩味~各款都勁香

聞既味道比食入口既味道強烈..醃料都入味







因為份量太多~"味噌 & 辛辣"最終要打包



老闆點"原味豬腩肉"($98)



比小豬豬厚一點~肉質同樣唔錯~仲伴上南瓜



老闆點"原味牛肋骨"($148)



一客有5件..都幾大件~色水ma ma..但老闆話味道唔錯



每次同老闆韓燒~我可以做妲妃..佢會非常主動負責燒(哈哈)
(妲妃=癱己..通常形容d人有野唔會主動做~踢都唔郁亦唔會幫手)



蛋漿..水&蛋比例~明顯蛋液好足料



有蛋味..仲好滑



唔係講笑!! 六味小豬豬..每款腩肉都好長

燒爐既直徑..有d仲長到要扭曲



我話唔點個"原味豬腩肉"~應該剛剛好食得晒

最終牛肋骨 & 兩款小豬豬要打包~問服務員拎盒(+$2)

仲提我地..新店開張7點前埋單有78折~反正剛好燒晒

望望錶仲有5分鐘~埋埋單..可以慳返百幾蚊(總消費:$428)

整體食物份量好足~味道好唔錯~價錢比一般韓燒抵食

服務有禮貌而且仲好有效率

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================