寫真相集(I)。混血BB

2月15日(星期三)~2月頭..同K小姐夾夾時間

準備應邀同佢個靚B影相~因為做佢果行比較難約

所以先就佢時間~之後我打算叫阿喂請日假幫手

加上我知佢都好想見下靚B既(哈哈)~感恩..一問之下

K小姐剛出完團返港~會off 2個星期..話邊日都無所謂

所以我話..等我先夾天氣~其次夾埋阿喂方唔方便off先
(星期六,日預多人..唔揀~20-24/2阿喂同事off..唔方便請假~所以要係13-17/2揀一日)

不過天氣預告日日都唔好天~大霧有雨..星期尾仲話急凍

天氣太凍我唔想靚B冷親~見星期三話最暖..就暫定依日先

前一日仲落雨~好在依日超好天~仲有d陽光+暖又唔算濕

一切造就得超級無敵正~阿喂又可以off一日幫手(超級感恩)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
日期+時間約好..地點問過K小姐話無意見

所以我揸主意~揀去colorful既"Snoopy land"

其實今次幫靚B影相..真係有d緊張~因為未影過BB相

所以同K小姐再三強調~預出黎見面..唔好期待輯相(奸笑)

依日K小姐黎到果陣~靚B瞓到迷暈左~搖極+叫極都唔醒

K小姐話點都要整醒佢(我都搖左靚B好耐都係唔醒~真係好攪笑+好好玩..哈哈)
整醒左之後..等佢定一定神~再同佢玩陣warm up情緒

就可以開始影相lu(8個半月大既超級靚B..mix土耳其血統~真係好得意呢)



其實我問過K小姐想影咩style~但佢話無要求

仲話我想點影就ok喎~我個人就鐘意依種風格

唔一定要望鏡頭~同埋想要捕捉BB最自然既一面



我個人超like依張..好自然好得意







d眼睫毛好長(好羨慕啊)



















開始準備出牙仔..所以成日要咬野(哈哈)











(待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================