饒宗頤文化館。銀杏館

1月22日(星期四)~好耐之前..係"太子 - 銀杏館"食過中餐

一直都想去"饒宗頤文化館 - 銀杏館"行下+試下個中西餐

不過打去book過3次dinner都full晒~所以諗住等老闆off

閒日lunch time去試下~老闆連off 2日..依日終於去得成

社企同樣招聘長者為服務員~每位長者服務好又好笑容

地方清簡舒服..有在家吃飯感覺~午餐/點主菜會包沙律bar

沙律bar有餐湯, 麵包粒, 麵包捧~另外有數款沙律菜配料

沙律醬汁分別有黑醋及凱撒沙律醬~點選飲品(另+$10)


2樓可用作包場/party/私人宴會





食材好新鮮



"忌廉湯"..超熱辣辣~質感半濃郁帶滑

麵包捧捧好好味~好脆口



我點個"豬扒燴扁意粉"($58)



豬扒夠腍身..肉質唔鞋~意粉軟硬度剛好..有咬口



其他配料切得好幼細..色彩配搭好sharp

食材同樣好新鮮~入口爽脆~不油膩..整體味道唔錯



老闆點個"咖喱牛腩比得包"($68)



份量好多..牛腩軟腍入味~除左車厘茄..仲有粉糯薯仔

咖喱帶淡香..味道都ok~伴上軟綿綿比得包..整體不錯



餐飲另點個"香茅茶 & 桔子茶"

味道較淡~香茅茶同飲開既味道略不同

整體食店環境舒服自在..地方好乾淨

食物水準ok..服務非常有禮貌呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================