Lunch。Home Bar & Restaurant

2月25日(星期三。初七人日)~老闆day off

lunch time想同佢去cafe食三文治~點知佢又扁面

話想食熱熱地"飯類"果d~原本佢話encore"Panash Cafe"

不過荃灣依家越來越多野食+開左好多新餐廳/食店

有得揀..唔想咁快幫襯返同一間~見有間d食物幾靚

所以決定..就揀去"Home Bar & Restaurant"試下先

* * * * * * * * * *

食店係bar又係餐廳~環境唔錯..地方都寬敞




餐廳有唔少擺設~除左壁畫/酒類..中間仲有張桌球檯

場內感覺帶點英倫風格~設計上令人好舒服



Lunch Set~包括餐湯/沙律..主菜..甜品..餐飲

餐湯黎講..忌廉湯我一般~雜菜湯反而會考慮

但通常點餐湯前..都會再問"雜菜湯"有無牛肉成份

侍應話有~所以我都係要"沙律"~老闆要"雜菜湯(跟蒜茸包)"





沙律菜好新鮮..份量唔少~醬汁酸酸欖味又帶香草味..唔錯



老闆要個"香煎黑毛豬柳配海南咖喱"($84)

踏入2015年~有日同老闆講..希望佢盡量食少d牛

雖然咁講..但都要睇佢自己意願~估唔到佢有記住

依日話食豬肉唔食牛肉~豬柳好鬆軟..入口軟綿綿

醬汁帶淡淡咖喱味~整體味道好唔錯



我要個"挪威煙三文魚意大利麵"($68)



本身我唔太like忌廉醬汁~但依個整得好creamy好濃香又唔漏

忌廉配煙三文魚..溶和醬汁帶鹹香味~而伴炒菇類..口感好爽

有助中和返豐富忌廉醬汁..因多吃而出現既漏膩感

麵條軟硬度適中..口感帶爽彈~整體好味



甜品.."生果酥皮撻"



生果好新鮮~酥皮層..清晰可見~不油膩..非常酥脆

我本身少食酥皮類西餅~都因為太heavy而避吃

依個甜品凍凍地~口感好清脆..整得好味又唔甜



餐飲..我要"熱咖啡"~老闆果杯落錯單

咖啡太重苦澀味~咖啡味淡薄唔香濃

整體食物有水準+服務好ok~埋單後送上宣傳單張

happy hour時間好長..仲有live band駐場~下次會再去呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================