情人節。家族BBQ聚會(三門仔)

2月14日(星期六)~上個月"家族BBQ聚會"時

已經book定依日再去燒~主要就日本工作既舅父

返香港過年前攪一次活動~因為過年後..要返過去

夾唔到時間~所以揀正情人節黎個"家族BBQ聚會"

講真..情人節對我黎講唔太緊要~所以無乜所謂

加上好難得又未試過情人節同親人過..反而幾特別

~ ~ ~ ~ ~ ~ ~ ~ ~ ~

"BBQ@雄生士多"~依日爆場好多人..所以都幾嘈

5點多..我地等齊人~叫士多開爐為我地準備食物

經過上次反映~今次d肉類食物真係好食返喎


老闆好緊張..講左好多次叫我整"韓式豬腩肉 & 鹽燒魚"

仲有最緊要預備泰汁~伴菜要有唐生菜+獨子蒜



依早出去食完野~快手快腳買埋其他食材+材料

趕住返屋企準備好~又趕住即刻出發(攪到勁趕..哈!)



我最期待既畫面終於出現啦! 由2個大廚舅父輪流負責燒

我地就等食(哈哈! 好似好衰)~不過佢地真係燒得好耍家ma



燒扇貝果陣~見舅父不停轉動燒烤網~令每隻扇貝受熱平均

熟度恰到好處~真係好pro..果然係大廚



輪到燒魚+燒豬腩肉~細舅父真係好有心機燒

佢話醃得咁靚..要燒靚d~唔好遭撻我d食物喎^^

條魚燒緊都聞到魚香味~加上有香料..好香啊!



老闆欽點食法~大家都一齊包住食

起碼無淨食肉咁漏~加埋泰汁..勁開胃惹味

依晚燒到10點幾走lu~落左幾場雨..都幾鬼凍

返到屋企即刻洗埋機衫~差不多成1點先瞓呢(攰)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================