2月13日(Happy Friday)~老闆連off 4日..正!
朝早食完野~行陣就趕住去Aeon買定d豬腩肉
聽日情人節..有家族BBQ聚會~所以返到屋企
即刻醃定先~攪掂晒..下午去朗豪坊食"雪糕花"($35/朵)
因為個造型太靚~所以好想試..叫老闆買比我食呢
我試個"藍莓乳酪味"~真係好香..味道好rich好滑
老闆試個"朱古力味"~佢果款都好濃朱古力味
本身雪糕係非常夠凍+硬~所以花瓣無咁易溶化
造型仲相當吸引~岩晒情人節..應應節^^
![]()
食完入娘家~依晚約齊人返去做節~原本上次講定
去返"金滿庭"~不過家姐話想食住家飯又可以坐耐d
所以辛苦爸爸煮晚餐lu~去到媽咪話叫埋阿E+舅父
等齊人..開餐!! "無花果栗子雪耳湯"..超正! 好濃郁好滋潤
![]()
媽咪話成日都想食"麵包蟹"~不過同爸爸食..實食唔晒
依晚多人..買2隻一齊食~d膏超爆..食完真係呆雞
![]()
![]()
依兩道菜我同媽咪都唔食.."咖哩羊架 & 咖哩牛肉粒"
![]()
![]()
爸爸話見魚頭好新鮮~所以買個黎整.."豉汁蒸金倉魚頭"
![]()
其實原先..我地講好返去做節~要煮都要最簡單
簡單整個"煲仔飯 + 愛心靚湯 + 手搓湯圓"就夠啦
因為黎緊仲有好多飯局~唔想食咁多..太heavy
爸爸又有排煮~點知..整下整下~整左咁多餸
![]()
個煲仔飯煮得好靚~飯粒粒分別..底層仲有焦
![]()
食完飯..爸爸洗完碗又開始搓湯圓
飯後甜品.."番薯薑湯湯圓"~餡料係古老"片糖"
薑湯少甜..配片糖湯圓~甜度剛剛好
食完都差不多11點啦! 所以要走lu
依晚辛苦晒爸爸/媽咪..又整又煮又洗~忙足全日呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
