12月20日(星期六)~依日好早起左身..自由活動一陣先
順便等老闆追返"來生不做香港人"~依套劇真係好好睇
等佢睇完先出去飲茶..飲完再四圍行下~下午返到屋企
上網搵定晚餐食咩~其實上星期已經想食"韓國石鍋飯"
所以主打搵韓國菜~最終揀去依間"星星"韓國小店試下
~ ~ ~ ~ ~ ~ ~ ~ ~ ~
店內環境好韓feel..老闆娘都係韓國人
![]()
我地book左6:30pm~去到未有其他客..但有幾張檯reserved
燒烤檯有4張~反正我地唔燒烤..所以揀坐普通檯
想食燒烤肉類都無問題~Menu有部份燒烤食物會由廚房代燒
![]()
清淡食物食左成個星期~我超勁想食炸野
先點個"星星炸雞"($138)
![]()
炸雞份量都幾多~有雞搥及雞胸肉
炸後外層乾身..唔會感覺好油膩~保持外脆內嫩
味道方面屬清淡香口(唔著重調味料..所以不是kfc果種咁濃味)
同時..附上豉油~純炸雞味道都幾好..幾香口
![]()
伴上酸蘿蔔及沙律菜~好清爽..加上帶點少酸好開胃
![]()
![]()
另附上..兩指膠手套食炸雞~好貼心呢
依晚無點啤酒~我唔飲得凍野..老闆又食左藥
不過都八下啤酒價錢~Hite(細樽-$25/支)
![]()
原本想食石頭鍋飯~不過老闆話想食d濕濕地既食物
咁是但啦..比佢話事! 佢話..又食炸野又食辣野怕唔怕
我話相沖相克..撞一撞快d好~就點個"海鮮豆腐辣湯"($88)
附上白飯..個飯好好味~飯粒好黏口又煙韌
![]()
海鮮料唔算豐富~有3隻細蜆..細碎魷魚..豆腐..金菇..旺菜
湯底味道好濃郁..微辣度夠醒胃~加上熱辣辣..食完暖笠笠
![]()
前菜小吃..全部都好好味
整體食物好地道~環境輕鬆舒服自在
有點在家吃飯既感覺~價錢平..服務亦好呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
