大角咀。福門海鮮菜館

4月25日(星期六)~依日大半日時間..係屋企自由活動

我有我追劇+攪自己野~老闆就狂追劇+瞓晏覺

晚餐諗住去大角咀食火鍋~點知full晒..之前book 2次都full

可能食店地方唔大..成日都爆~唯有搵日早d再book去試呢

繼續搵搵大角咀其他野食~見"福門海鮮菜館"講到咁好食

就去試下..點知中伏!! 題外話..當初係openrice寫食評既原意

純粹回饋食評人既無私之心~同埋想更多人可以作真實參考

雖然每個人口味唔同~但都盡量以客觀表達而非宣傳手法

近年有好多試食活動~其實都有部份餐廳私下邀請去試菜

但我本身無興趣參與"試食活動"~試菜=免費餐飲

係我心目中..唔會無啦啦有免費餐依回事~點都有等同交易

我始終有自己宗旨&原則~回看平台參考指數..真係下降

依家睇食評..唔止要分析係咪打手/仲要深層次考究(冷笑)

* * * * * * * * * *

小碟($12 )


5大皇牌之一既"燒鵝(例牌)"($128)



肉質鬆散無肉味..仲帶點羶~皮層唔脆..口感好軟腍

依個部位皮脂厚~脾位皮層薄..皮肉分離(我覺得依隻唔似x..?!)



5大皇牌之一.."波士頓上湯龍蝦(煎面底)"($248)



肉質ok有彈性



煎麵底份量好多~半脆有半腍..味道ok

整體食物好普通~服務員工作效率好高

未食完都已經等收碟(總消費 : $452)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================