荃灣。川味雞烤魚大王

11月15日(星期六)~前一晚約定同老爺奶奶飲茶

原本11:30am奶奶約左其他人飲茶..唔同我地飲既

不過我地有野要拎去交低比佢~所以約佢早d飲囉

假期通常瞓到自然醒~依早怕唔知醒遲到..成晚瞓得唔好

未夠7點就醒左~不過要賴下床先..因為唔夠瞓對眼好澀痛

9點幾開始飲..飲到11點走lu~分手後..我地趕攪自己野

攪完行陣就返屋企休息~原本諗住晏d出九龍食"四川菜"

不過頻撲左成朝..返到屋企已經3點幾~大家都話有d攰 

加上星期日老闆有野攪~所以話近近地食完..早d返去休息

我想食四川菜~老闆想食烤魚..終於去左"川味雞烤魚大王"

~ ~ ~ ~ ~ ~ ~ ~ ~ ~

食店地方唔大~我地點個"原條烤魽魚"(大-$218)

除左魽魚..仲有鯇魚~同樣有大/細/半條/原條選擇

而湯底有麻辣/泡椒/酸菜等幾款選擇~我地點麻辣(中辣)

另外..除左烤魚~仲有雞煲及數款火鍋湯底..可配火鍋料


魽魚肉質嫩滑有彈性..少骨



配料有麻辣,豆豉茸,京蔥,酸菜,芫茜,辣椒



另外有淮山片,少少芽菜~滾起後..先試一口麻辣湯底

半麻半辣..夠味好突出~後其越滾越辣..好惹味

老闆超勁誇張流瀑布汗~連耳珠都滴汗(我話下次要影底..哈)

我本身體溫低+冷血~所以無出汗..只係全身好溫暖呢

另點一碗白飯($10)..撈麻辣湯汁伴吃(正)



麻辣湯底本身有少少酸菜~但份量唔太多

所以再點一份"酸菜"($22)~又酸又麻又辣..好開胃



另點.."脆鯇片"($68)~啤酒(x2)

整體烤魚好味~麻辣湯底惹味~服務都ok

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================