Gateway。廣東茶居

8月16日(星期六)~依早係屋企食完早餐..超勁hea!!

聽歌, 玩電腦, 打機, 追劇, 灘腰骨,食芒果布丁下午茶

下午老闆問我晚餐想食咩~不過問完人..又話想食韓燒

叫佢負責搵料囉~搵唔到就食pizza(一話食pizza..即刻好努力搵)

搵搵下..無啦啦叫! 話搵到間..不過好多靚仔韓國服務生

唔會去喎~不過佢都會望男仔..仲會同我講依個/果個靚仔

但佢講親果d..我又唔覺靚仔~我鐘意有陽光氣息+肌肉型男

但又鐘意成熟好man型~感覺保護+照顧女性(但幻想與現實永遠是不乎=.=)

唔食韓燒~我突然好想飲中式燉湯~順便又想出去行下街

最終揀去"海港城港威 - 廣東茶居"

~ ~ ~ ~ ~ ~ ~ ~ ~ ~

食店環境乾淨..地方都幾大~下午book左檯..安排坐卡檯座

比中間一整排座位..較為多點私穩~菜單有套餐及散叫

我地點個二人套餐($268)..另加一個小菜

套餐中..有四款湯/羹選擇~我地點"天天老火湯"(蓮藕鱆魚湯)

湯濃郁..食材淆湯好足料~豬骨+鱆魚味突出~帶蓬藕清甜味


招牌小菜(六選一)..我地點"口水雞(半隻)"



麻辣味唔算十分濃烈~但都有麻辣香..幾惹味

加上熱食無凍食咁突出~顏色+味道都係"卧龍莊"好食好多



精選小菜(十八選一)..揀左"冰梅烤小骨"



酥炸排骨好香口..肉質軟腍~伴上冰梅醬好開胃

套餐兩餸一湯..另跟上"白飯/粥"



另點一個"啫啫時菜煲(芥蘭/通菜)"($82)



上檯時..啫啫感不及大排檔咁有氣勢~芥蘭菜爽脆

醬料有鹹魚+磨豉醬..味道過鹹~最終要打包返屋企

留返星期日晚餐~加入"玉豆"再翻炒中和鹹度



整體食物水準ok~套餐好抵食+食完無口渴感

另一個套餐($398)都好豐富~不過老闆唔食得燕窩(所以唔考慮)

環境及服務都好ok~另茶茗($10/位及+10%c.s.)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================