深水埗。鍋居火鍋專門店

10月25日(星期六)~前一日講定..陪老闆去睇"戰逆豪情(Fury)"

依日大家好早起左身~不過老闆又話唔想睇住..咁是但啦!

見咁耐無飲茶~早少少出去慢慢飲完..再四圍閒逛下囉

唔覺唔覺..咁都消磨左5個鐘~下午返屋企搵定食咩先

見近排天氣開始涼涼地..好舒服! 我估老闆會想食火鍋

依晚搵左間..位於深水埗既"鍋居火鍋專門店"試下

食店裝修簡約~一邊卡檯座..中間圓檯及另一邊活動長檯座

火鍋又係限食2小時~因為老闆久唔久會同d同學攪飯局

人多要訂"獨立房"~所以問過有房(min charge$3500..冇限食時間)

醬料$15/位..花生$10/碟~我地先點"啤酒"(x3)


食評大多數讚個"招牌沙嗲湯底"~所以點"鴛鴦鍋"試試

湯底顏色幾靚~內有芽菜+豆腐..但味道無預期咁香濃

滾到差不多食完先開始濃郁~唔算係食過最好(始終不及九龍城果兩間)



"脆鯇骨腩"



新鮮帶魚油香~肉質脆口



"桂花蚌拼珊瑚蚌"



色澤靚..原條唔散碎~口感爽脆



"本地手切肥牛"~老闆話有牛味..肉質軟腍



"炸魚皮"



好粗長~新鮮即炸..上檯微熱~口感脆中帶少少硬..好香口

整體食物..火鍋料新鮮+靚~湯底色靚但比預期遜~服務ok

卡檯座只用木板分隔~經常被食客撞背..依點最差



原來老闆睇openrice會留意埋"其他資料"部份

依日check單..見有收加一~佢多口問男店長一句

佢答..唔係依間~可能係其他分店(但我唔知邊間係分店)

老闆求證無睇錯~開返比佢睇..建議叫佢搵人改返

男店長話好少睇openrice~有講唔好意思會叫公司改返

講真! 食店加一就預左~我地亦唔係為少少錢去計既人囉

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================