10月18日(星期六)~前一晚瞓得好差..半夜發生左件事
嚇醒之後..瞓唔返~靈體依家野!! 我知有人信..有人唔信
其實由細到大..我間中會有依類經歷~可能頻率太易接觸
消失後..我驚魂未定~輕輕捉住老闆手臂..唔小心嘈醒左佢
我同佢講有野..佢已經叫我唔好講~可能習以為常(同埋佢都驚 :p)
今次真係唔知咩黎? 從未見過咁極速(彈珠)移動既營光物體
~ ~ ~ ~ ~ ~ ~ ~ ~ ~
依早好攰無出去食野~見仲有儲備..簡單整個粉麵食算lu
咁岩大家講起夜晚去"達人烤肉"食韓燒~因為講左幾次去
第1次無晒檯..6點walk in都話無位~第2次同表弟去浪人食放題
第3次終於食到~食店環境帶韓feel..有韓國侍應+本地侍應
好多韓國食客幫襯~但抽風唔掂..好大陣味(由其去完洗手間仲明顯)
依家越開越多依類有蛋烤爐既韓燒..有蛋漿/粟米/蒜片洋蔥
先試下淨食個熟蛋漿~無乜蛋味+唔特別~所以無refill
網上話係"芝士粟米"..但食唔到芝士味
配菜及蔬菜籃~紅蘿蔔+白蘿蔔唔新鮮..表面乾晒無水份
洋蔥絲味道幾好..甜甜地無洋蔥辣味
大豆芽
泡菜好味..鹹度/辣度及蒜味好平均
侍應唔會自動refill~我地叫refill..感覺都唔太鐘意
啤酒($55 x2)
"烤蒜護心肉"($160)
肉質有彈性~醃得夠入味
"牛頸肉"($190)
睇樣幾靚..老闆話味道ok
每次韓燒都想點"人蔘燉雞"($130)~終於今次留肚點個黎食
記得last果次去韓國~零下7度去食"人蔘雞"
即刻成個身暖晒~不過一出食店又即時急凍(哈哈)
味道清清淡淡~拌勻糯米飯變成薄粥..入面仲有栗子+黑棗
加d鹽及胡椒~提味d..好味d
依間原來有限時~因為坐近門口..聽到帶位同客講限90分鐘
食左1個鐘就送生果黎~整體食物ok..但服務真係好一般
我地一致都覺得"BBQ Military"仲好食過佢
同埋..服務有禮貌+會自動不停refill前菜囉
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================