9月13日(星期六)~依早問老闆去唔去飲茶..佢話唔去
想係屋企食早餐~Um..是但啦! 反正我有粟米片+黑豆漿
佢話想食米粉~搵下雪櫃有咩東東先~好在慣買儲備咋
簡簡單單都整到個米粉早餐佢食既~食完就自由活動啦
下午佢又話晚餐想食韓燒~又搵到間有好多靚仔韓國侍應生
我懷疑佢根本搵來搵去都係果間(哈哈)~今次仲比埋相我睇(2秒)
Woo! 又幾靚仔喎~不過我既表情..依然保持是冷淡的(嘩哈)
再話.."有幾靚仔呀? 係我心目中老闆最靚啦~其他邊睇得上眼"
老闆話.."睇得出! 不過果道咁多靚仔仲同你去..當我傻架?!"(衰)
~ ~ ~ ~ ~ ~ ~ ~ ~ ~
之後再搵左兩間都話full晒~TST果間話walk in都會好多人
"太子 - 炑八韓燒"~話walk in 6點食到8點要交檯(ok..就去啦)
點知..去到負責人話無位最快要9點~仲話唔知邊個同事答
真係好嬲..浪費晒d時間~不過嘈都無謂(唔會再去)~知道老闆like食雞煲
即刻轉場..同佢去"長沙灣 - 米走雞"~仲一次食晒兩款雞煲(哈)
食店環境乾淨光猛..地方唔大~d檯靈活組合都可以坐到約40人
主打有兩款雞煲~老闆叫我話事..但又爭住點"火焰麻辣雞煲(細..中辣)"($118)
![]()
上檯時..雞煲只有爆透既雞件+少少洋蔥..少少芫茜
以雞脾+雞扒組合而成~成本低..亦可以耐煮唔老
![]()
隨後服務員點火變成火焰雞..略炒~最後加麻辣醬汁煮滾..食得!!
![]()
麻辣醬越滾越香..越滾越辣~但個人覺得麻味太重
食左2件..整個咀唇,舌頭既細胞都麻痺+肌肉如針刺般彈跳
味道方面..雞件本身已經有味~混合麻辣醬更加快入到味
整體好惹味..只係麻味比辣味比例過重~配料唔夠豐富
![]()
原本老闆話點火鍋料~不過我想點"黃金芝士雞煲"試下
佢話下次再黎試既~但我又無咁既打算~堅決試埋囉
最終點個"黃金芝士雞煲(細)"($128)
![]()
用料都係雞脾+雞扒件~芝士味道幾香又唔膩
湯底帶有奶香..入口滑滑~感覺幾新奇而味道都唔錯
![]()
加湯轉火鍋灼菜~比用麻辣湯底仲要吸引+好味
![]()
小白菜質素ma ma~除左多沙..灼熟後口感依然好粗硬
整體雞煲味道唔錯~但用料較遜..配料亦太少
勝在選用雞脾/雞扒~比起用全雞可以耐滾一點
肉質無咁易老~而芝士雞煲比預期吸引~整體服務都ok
但食完成晚都勁口乾+口渴
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
