7月23日(星期三)~依日約左陪媽咪覆診
順便同佢食完lunch先去醫院~前一日問佢想食咩
佢話想去返上次果間泰菜館~計計日子都好耐lu喎
原來佢都鐘意食泰菜~咁就決定去返"莊士廣場-泰屋"
順便上網睇下開幾點~因為唔想撞正lunch time好多人
點知發現午市有85折coupon~print定睇下到時用唔用得著先
~ ~ ~ ~ ~ ~ ~ ~ ~ ~
依日大暑..天氣超勁熱又焗~直頭好似係火爐入面咁
約左媽咪12:15pm係廣場等~我11:50am已經去到佐敦
諗住行陣先~轉頭媽咪就打黎話到左..咁急急腳過去會合
再上餐廳食lunch~未到放飯時間..餐廳好靜~之後越坐越多人
我地點左個special lunch.."泰式柚子沙律"
![]()
食材得柚子..但好散碎~脆卜卜既炸蔥,腰果配料都無
醬汁味道偏鹹~少左份醒胃感
![]()
另點個set lunch.."菠蘿雜菜炒飯"
上檯有d意外..以為會用菠蘿盛上~飯炒得唔夠香
黃薑粉味道欠奉~整體非常普通
![]()
"四式拼盤"~依個正價可以用coupon(上面2個set不適用)
"四式拼盤"有炸魚餅,炸蝦餅,泰卷,炸南瓜條
![]()
炸蝦餅口感較實..唔夠鬆彈~炸魚餅鹹左少少
春卷好脆口..餡料好清淡~當中仲有冬菇
![]()
"炸南瓜條"..熱辣辣既時候好脆~凍左好快腍
![]()
set lunch跟餐飲..媽咪要"青檸梳打"
special lunch無餐飲~我另點"凍咖啡"~味道都ok
整體食物一般~勝在環境+座位舒適又無催趕~服務都好ok
![]()
原本媽咪話補請我食飯當生日~我話佛家有云
生日係母親既受難日~所以應該係我請佢食飯
同埋..講真! 我個人觀念~由出黎社會工作後
我唔會再駛爸媽錢~出身後理應由仔女比錢囉
所以叫佢送隻雞蛋比我得啦~已經係好珍貴既禮物呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
