老三火鍋

3月15日(星期六)~早幾日同老闆去"牛角"食日式燒肉

見佢個樣真係好鬼謝~其實都留意左好耐~近年個人神無晒

朝早返工都好少少~但收工返黎..真係好似生意失敗look咁

所以果日同佢講~星期六,日盡量要佢"午間少睡"..多d休息

行唔行街/有無節目都唔緊要~最想係佢個人神返返黎囉

同埋..一個人夠精神~身體都好d..抗拒力都強好多ma

依早簡單煮個麵餐食完~佢追左一陣劇..兩點就叫佢瞓覺

果然極快已經聽到佢撕裂咆哮(哈哈)~希望真係幫到佢呢

~ ~ ~ ~ ~ ~ ~ ~ ~ ~

見話天氣轉涼+上星期又食左西餐~諗住滿足下老闆

早兩日搵定長沙灣既"老三火鍋"~再問老闆食火鍋好唔好

其實都唔駛問..一定話好~而近排都開始想搵fd出黎聚下

於是話搵埋C兄出黎食好唔好..佢話好!! 問埋C兄..佢又OK

依日就約埋一齊去食火鍋~先點個招牌火鍋"老鴨湯鍋(半隻)"

火鍋湯底都多選擇而且仲好平~依個老鴨湯鍋..先飲湯後火鍋

湯底濃郁~藥材味唔會好重~頭兩啖湯覺鹹..但之後有回甜感覺


兩個大男人叫既"特級靚肥牛"

老闆話有牛香~但有部份有筋..少少韌~整體ok



我點"桶蠔"



蠔肉新鮮..口感爽身~蠔味唔算重



"脆鯇骨"..肉質好脆有魚味



"什錦菜籃"..蔬菜好新鮮~份量都唔少



一齊食飯~一齊影影影..更多fun^^



大家開始飽飽地~唔食火鍋..點小食送酒

"雞泡魚干"~好味好香口..只係甜左少少少少



"炸魚片頭"..依個反而太鹹~但口感好鬆彈



醬料$12/位..另外仲有餐前小吃一碟



book檯果陣問定食店有無限時..佢地話無

再問埋開瓶費~紅/白酒第1支免收..第2支起$30

我地帶藍色果支~C兄帶綠色果支~另外..仲有飲啤酒

飯局好盡慶~6:30pm開始食..12點幾先走~完全無催趕

整體食店環境光猛乾淨~服務好+有禮貌~整體食物都ok呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================