5月24日(星期六)~前一晚老闆有歡送飯局
預左佢會好晏先返~依日應該無精神陪我活動
估唔到比預期早左返黎~同埋..今次飲酒有節制喎
因為其實每次飯局..我最擔心佢高興飲好多~之後
擔心一個人自己返屋企有危險~又擔心會跌銀包/鎖匙
又擔心醉中比人搶劫~不過佢去飯局..我習慣唔會打比佢
始終同朋友食飯..成日有電話~好似連食餐飯都無自由咁
唯有默默係屋企咋瞓等佢返黎囉~前一晚接近1點返到黎
依日9點多佢都起身lu~朝早出去食完個雲南米線
返屋企等佢休息下+瞓個晏覺~夜晚先出去食飯^^
~ ~ ~ ~ ~ ~ ~ ~ ~ ~
見好耐無食西餐~上網搵料..揀左"大圍-Buddy's Kitchen"
食店雖然唔大~但環境+佈置都ok~同時..服務都好好+細心
![]()
除左set dinner..仲有2人套餐~朝早食完米線都唔太餓
原本set dinner想叫個Ribs share食~但老闆又話食牛
咁我唯有改散叫(+轉餐)~是日餐湯"忌廉蘑菇湯"
有濃郁菇香味~喜歡忌廉比例較少~感覺無咁heavy
口感方面唔係全幼滑..帶微點點咬口感~好唔錯呢
![]()
"厚切西冷牛扒配芝士焗薯皮(7oz)"
![]()
芝士焗薯皮..有菇,瓜類,車厘茄,薯粒~餡料豐富..薯皮好焦香
![]()
西冷牛扒影相都聞到牛香味~外表焦焦..煎得好靚
![]()
五成熟..入面充滿肉汁~肉質有咬口..有牛香味
![]()
"葡萄牙香辣燒雞伴田園沙律(半份)"
燒雞皮層帶脆..肉質嫩嫩~醬汁好香蒜及辣辣地好惹味
![]()
![]()
整體食物睇得出用心製造~味道仲好唔錯呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
