12月8日(星期日)~闊別兩年多既"金坊泰國美食"
當年由一間細舖開始幫襯~記得果時..社會仲未興影食物
所以服務員見我影相都好奇問我..點解會影相?
後來..生意越做越好~仲擴張到隔離大舖一齊做
不過食物水準就開始下降~打後好間中去幫襯
明顯水準真係差左好多囉~直到早幾個星期前
經過老闆話想食~發現原來從未試過佢地既lunch
有時就係咁..lunch好食未必dinner好食~相反亦一樣
反正好肚餓..唔想再諗食咩~就試下比多次機會
果日我食左個"鴨肉湯米"~真係超正水準返來囉
~ ~ ~ ~ ~ ~ ~ ~ ~ ~ ~ ~ ~
所以依日再encore~我點個"蝦醬炒飯"
飯粒炒得夠乾身~蝦醬味剛好唔會過鹹
當中仲有紅蝦~除左整沙律..原來用黎炒飯都好正
另外伴上肉鬆..泰國臘腸~本身都鐘意用肉鬆伴飯
但泰國臘腸真係唔太岩口味~較肥+肉膩感又無酒香
![]()
老闆要個"海鮮炒粉絲"..粉絲帶點爽口夠軟身
海鮮料及配料好足~整體香口惹味夠乾身又唔會好油膩
![]()
午餐跟上.."冬瓜餐湯"~味道較鹹而且明顯有味精
![]()
餐飲.."熱咖啡"及"熱檸蜜"
整體lunch既食物有水準~泰廚炒功夠鑊氣+乾身
服務亦不過不失~已列入星期日飯堂之一呢^^
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
