Ayutthaya Thai Cuisine & Bar

11月30日(星期六)~昨晚Happy Friday食火鍋..剩左半份魚+菜

所以依日無出去食野~係屋企整個"脆鯇魚湯"做brunch

下午各自各自由活動~hea到差不多時間就出去食晚餐

原本依晚老闆話想食日本放題~不過我又ma ma地

可能陪佢食左好多餐清淡~我好想好想食d重口味(哈哈)

所以提議食泰菜~佢話未好返晒..我話食d刺激野會快d好

終於就去左奧海城"亞熱泰(Ayutthaya Thai Cuisine & Bar)"

~ ~ ~ ~ ~ ~ ~ ~ ~ ~ ~ ~ ~ ~

食店分室內/室外座~原本book檯揀坐inside

不過去到見地方太細~而outside環境又好有feel~所以揀坐露天



一整排食店..除左泰菜仲有其他選擇



"冬蔭功大蝦湯"



大蝦真係好巨~肉質都幾彈牙

湯底酸辣度可以再突出d~椰奶味較為重一點

但整個冬蔭湯味道夠濃郁~整體都ok唔錯呢



"辣椒膏炒青口"



青口肉好嫩~辣椒膏醬汁味道帶香辣少甜..好惹味



"馬拉盞炒椰菜苗"



本身我好鐘意食椰菜苗~鐘意佢菜味濃..口感又爽脆

依個用馬拉盞炒得好惹味~雖然鑊氣度不足..但味道都係好唔錯




老闆點既"香茅薑茶"

薑味剛剛好唔會嗆又帶清新香茅味..甜度亦適中

整體食物水準都ok~而且以地段而計..價錢仲非常抵食

不過以泰菜水準黎講~依然推介航天城"Erawan Thai"

暫時係香港食過最有水準既泰菜館^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================