11月18日(星期一)~前幾日行開街..見到間精品Cafe
原本昨日(星期日)去試..諗住閒逛到12:30pm開左門先去
點知..去到已經full晒要坐高檯~再問服務員係咪有"3D拉花"
因為吸引我去都係依個原因~不過佢話假期太多客+忙唔會做
反正見老闆星期一off..所以等依日下午先再去食Tea呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
食店內堂好細~檯與檯之間距離超近
而整體佈置簡潔乾淨~服務生斯文+有禮貌
原本我叫個"Tiramisu"..點知話未整起
再諗住order個"盆栽木糠布丁"..又話未有
最終是但點個"Beans Brownie(伴香草雪糕)"
![]()
甜品賣相都幾靚+用心製作~雪糕好滑
Brownie夾雜果仁~口感軟身中帶果仁脆硬感
朱古力味夠濃~但個人口味覺得..較為甜漏
另外仲伴上杏仁片及綿花糖+朱古力醬
![]()
再點個.."熱榛子莫加"
交代埋要3D拉花~因為唔知..唔交代會唔會無(哈哈)
所以講埋穩陣d~3D拉花製作時間都要比較長
因為依客人order而輪候次序呢^^
![]()
"貓貓3D拉花"..個公仔好得意呢
榛子咖啡味好香~一下子忘了走甜..味道好甜
![]()
老闆點Set.."煙三文魚凱撒沙律"
![]()
食材好新鮮~煙三文魚肉質結實..但欠缺煙燻鹹香味
![]()
餐飲"普通咖啡"(+8可以轉餐牌內既咖啡)
老闆話唔轉喎~咖啡味唔香濃..好淡身
另外跟上"熱奶"~整體食物都不過不失(最欣賞個3D拉花)
加上原本想要既食物又無..依點最為失望
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
