Shatin。PizzaExpress

11月16日(星期六)~前一晚老闆又有飯局

不過無上次咁夜..12點前已經返到黎~依日我8點左右起身lu

等到11點佢先起身~係屋企食完早餐..下午就去沙田行街+食飯

原本上星期已經想去PizzaExpress食飯~最終就老闆去左"愛文生"

今個星期..點都要食返餐Pizza~因為太耐無食..Pizza癮又發作呢

~ ~ ~ ~ ~ ~ ~ ~ ~ ~ ~ ~ ~ ~ ~

依家沙田真係超級霹靂無敵勁多人~由其被拖喼自由行全面攻陷(唉)

多人到都無心機行~反正無食lunch又開始肚餓..所以早少少食晚餐

上次見PizzaExpress仲裝修緊已經好期待~因為係又一城食過有水準

連鎖式食店應該都唔差得太遠既~我地點個"主廚精選沙律"


食材有雞肉..豬肘肉..芳堤娜芝士及 emmental 芝士

仲有有機雞蛋..橄欖..酸豆..車厘茄..青菜沙律..招牌沙律醬



沙律食材全部都好新鮮~沙律菜伴上雞肉..豬肘肉及芝士粒

清新中又帶鹹肉感~加入酸豆又好開胃

而沙律醬汁味道平和..整體配搭好好



"烤麵包條"..味道好香脆~口感外脆內半軟帶彈性

好似食烤包既感覺..非常美味



因為唔想食有肉既pizza+勁想食芝士~所以點個"四色芝士薄餅"

餡料有mozarella芝士..Blue Cheese..芳堤娜芝士..emmental 芝士



批底超薄..芝士料下層伴番茄醬料~酸茄又帶淡鹹香芝士味



批底烘得好香脆(由其邊位)~味道帶少少鹹..好正



"海鮮意粉"

食材有蝦肉..蜆肉..青口..魷魚..白酒蕃茄醬汁



海鮮料新鮮..蝦仁彈牙~但醬汁比較淡身..唔夠豐富(沒乜茄味)



意粉軟硬度適中~整體食物都好唔錯..服務亦好有禮貌呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================