11月9日(星期六)~依早起身..無去飲茶
攪掂屋企野..先出去食早餐~順便買飛睇戲
好耐無睇戲啦~所以一連兩日假期..打算睇兩套
依日睇"殭屍(威尼斯影展版)"~劇情其實好簡單
但場景拍攝..冷酷色彩氣氛..詭異音效..電腦特技
加埋..老練既演員演技~整體就變得不平凡(好睇呢)
睇完行陣返屋企先~諗住晏d入沙田行街+食pizza
點知老闆話好想encore"愛文生"既小炒~咁是但啦
晚餐改去"愛文生"大排檔~同老闆黎個豪情暢飲麻甩下(哈哈)
~ ~ ~ ~ ~ ~ ~ ~ ~ ~ ~ ~ ~
上次7點去到..已經好爆場~所以依日6點幾早d去食
食店擴大左範圍~租多左個舖..入面好光猛+乾淨呢
![]()
依晚唔想食肉類..主打食海鮮~老闆出去揀完再order煮法
揀左3隻瀨尿蝦..先黎個"椒鹽瀨尿蝦"
![]()
蒜粒炸得好金黃..味道帶少辣~單食椒鹽料會較鹹
瀨尿蝦入到蒜料味~肉質新鮮彈牙
![]()
老闆返黎話點兩隻蟹~兩個人..唔駛食兩隻咁多喎
加上可以再叫其他小菜~所以叫佢改返要一隻
用薑蔥煮法..再黎"薑蔥炒蟹"
![]()
蟹肉好嫩~薑蔥配料勁足~醬汁收得剛剛好..味道亦平均
![]()
最後..再點個"椒鹽炸銀魚"
![]()
"銀魚"無用鹽醃過~單靠椒鹽料入唔到味
勝在炸得金黃脆口~整體食物+服務都ok呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
