Balencia Bakery & Cafe

12月15日(星期日)~原本老闆話lunch想食上海菜

我話早排先食完~加上連續好多日..好似無食過西餐

昨晚已經好想食西餐架ma~最終見天氣凍轉去食火鍋

所以依日堅持食西餐..最終揀去"Balencia Bakery & Cafe"

依間餐廳同屬A1集團~而旗下仲有好多唔同分線既食店

除左麵包店外~主要有日式西餐廳及日本料理餐廳

~ ~ ~ ~ ~ ~ ~ ~ ~ ~ ~ ~ ~ ~ ~

點選Lunch Set後..服務員提"麵包籃"比我地挑選餐包



可揀選餐湯/沙律..是日餐湯"什菜湯"

老闆通常點湯~我點沙律..可以試晒2款唔同食物



沙律用料超新鮮~配搭日式芝麻醬汁..好開胃



"什菜湯"..洋蔥味好突出~整個湯散發洋蔥甜香味



"鐵板安格斯牛扒伴蒜香飯配燒肉汁"..點6成熟



老闆話牛扒都有牛香味~但煎得過熟..肉質好韌



用蛋炒飯底..粒粒分明~蒜香味唔算突出

要加入燒肉汁伴食~惹味度會大大提升



"牛肝菌蘑菇燒汁意粉"



意粉軟硬度適中~醬汁菇味超香+濃郁..帶點淡cream味

醬汁既味道+口感好幼滑好好味~菇既份量都唔少呢



餐飲轉"冬日特飲(+15)"..我點個"鹽味焦糖泡沫咖啡"

焦糖味好香甜~本身奶比例較多..咖啡味較淡但好滑



幫老闆揀個"甜心玫瑰茶"~同款特飲中..依個感覺無咁甜漏



用玫瑰糖漿..蜜糖..青檸茶..薄荷葉調製而成

帶淡淡玫瑰香味~甜度都好ok

整體食店環境舒適~食物水準+服務都唔錯呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================