干鍋居

12月14日(星期六)~幾個Happy Friday老闆都有飯局

次次都食到好夜先返~攪到星期六好晏起身..瞓極都唔夠咁

依日原本佢又話想食"日本放題"~好似連續兩個星期都話想食

我又答佢ma ma地..反而想食西餐~不過天氣咁凍又想食火鍋

原本佢話陪我出TST行街..再去食飯~不過我最怕多人既地方

由其四圍都比人攻陷~要行都留返閒日..有時間想行先去呢

加上近年轉向好深閨~假期唔一定要有節目..兩口子對住已經夠囉

~ ~ ~ ~ ~ ~ ~ ~ ~ ~ ~ ~ ~ ~

依晚最終揀左去"干鍋居"食火鍋~食店分兩層

我地坐樓上座..地方整齊乾淨~而且2人仲安排坐4人檯

夠寬敞舒適~服務都好好..有禮貌+熱誠推介食店既食物

原本我想食辣雞煲~不過老闆仲未完全好返晒..奄奄下病

所以由佢話事..點個"重慶酸菜魚(半份)"



勁多酸菜~味道淡淡..唔酸唔鹹~反而湯底夠晒鹹



魚類有生魚/大頭魚/沙巴龍躉選擇~當然龍躉會收另一個價錢

我地揀要半份"大頭魚"~份量唔太多..魚肉滑但較多細骨



火鍋料再點個"特級桂花蚌"



食材新鮮..有鮮味肉質好爽口



"鮮甜螺片"



肉質軟腍有咬口~口感味道都好唔錯



食店除左火鍋..仲有燒物~點左個"燒鱔"

鱔肉爽口彈牙..肉質鮮嫩有魚味~皮層脆脆的



整體食店環境+食物OK~但食完勁口渴

近年發現三坊坡新進既食店~都好著重PR手法同客人溝通

同埋..室內有客人食煙都無主動阻止~整排食店中

已經試過幾間都係同一情況

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================