Buffet。L'EAU

8月16日(Happy Friday)~上個月尾..外婆過身後

係日本做野既舅父~定好日子都即刻買機票返黎

而住加國既親戚~部份有事..而d表又請唔到假

所以得姨媽+迪迪表弟返黎..送外婆最後一程呢

聽媽咪講~外婆走埋..姨媽可能最後一次返香港

始終年紀開始大+身體唔好~坐長途機都好辛苦

而舅父下星期一又要趕返日本工作~今次一別..

幾姊弟未必咁齊人聚埋~所以依晚當farewell

其實聽到都幾傷感~真係要更加珍惜眼前人呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依晚揀去"Regal Riverside Hotel - L'EAU"

因為姨媽+表弟要住近阿E(方便接送)+攪外婆既喪禮

依晚費事特登出九龍食buffet(加上聽日+後日要好早忙呢)

食完buffet唔駛送佢地返酒店~直接上房就瞓得

依間餐廳既食評預左唔掂~所以依晚純粹一聚

但心情都幾複雜..不過大家可以聚埋都係件開心事



食店環境好光猛+有時代感~坐位舒適寬敞

而食物區都係基本分類~但種類唔太多





冷盤海鮮類只食左蝦+長腳蟹



蝦都新鮮..但overcooked

長腳蟹好幼..唔鮮+好鹹~而肉質帶鞋口



沙律類都有幾款~用料新鮮

兩款泰式沙律就無乜味道



刺身類唔太新鮮~所以無食到

印度類..有咖喱牛/羊/雞/魚/雜菜及紅花飯/白飯

咖喱雞及雜菜味道唔錯~有咖喱香味汁較濃郁

而咖喱魚個汁好稀~紅花飯太乾身又唔夠熱



池畔燒烤..標榜有BBQ串燒食物

款式約有8-10款..另外仲有煎鵝肝(已戒食)



燒物不太特別~肉類燒得較乾

肉質鞋+偏鹹~反而蔬菜類好一點



阿喂既"喇沙湯"..味道唔突出又唔吸引



餐廳酒精飲品有promotion..好抵飲



熱盤鹹點唔吸引~開始轉食甜品

反而整體甜品既水準~比鹹點更出色

中式糕點唔會好甜..桂花糕好香



cheesecake都喜出望外..有芝士香味又滑

而批底仲用合桃碎做脆底..好match+好香



中場突然關上燈..藍色聖誕燈就不停閃爍(眼都花埋)

之後播上強勁既Star War音樂(古古怪怪..以為準備星球大戰! 哈哈)

出去八下..原來特別有個"火焰雪糕蛋糕"出場



等食客影完相..廚師開始分派蛋糕

味道都好唔錯喎~最底兩層係雪糕

之後係蛋糕層及蛋白層



"自助美式夾餅"

好簡單易玩..倒入夾餅蛋液反轉就開始倒數時間



完成後..就係一個好靚既waffle

依個係媽咪整架~我無食到



"雲石芝士蛋糕"

底層又係加d nuts去做批底~好香口

而芝士層口感好實在..芝士味唔會好漏



"Tiramisu"

三層組合成"最輕..中輕..厚身"既口感

味道淡淡唔甜而朱古力味都好ok呢



"芒果酥餅"

酥皮層唔油膩..夠鬆脆~牛油味好淡身

芒果清甜..整體都好味



"雪糕"旁仲有好幾款杯仔甜品

我試左兩款~"木糠布丁".."青檸jelly"



整體食物..鹹點完全唔吸引~味道亦較差

反而甜品較有水準..唔太甜/heavy感

餐飲可在自助bar自行斟酌~而服務就只屬一般

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================