順德霸王魚頭鍋

8月10日(星期六)~依日係屋企食完個Brunch

各有各自由活動~hea到5點先出發去尖沙咀

因為行海港城~所以想去"芽莊"食完飯先慢慢行

接近6點去到食店..開始安排入座~輪到我地果陣

接待員話6:45pm要交檯~我地話"一個鐘都無喎"

接待員話晏d好full~依家d食店真係好不知所謂

博做多幾輪生意~限兩個鐘都已經極限

依家連一個鐘都無~梗係唔食啦(反正沙田都有分店)

之後諗起阿喂鐘意食順德菜~記得上年食過間

"順德霸王魚頭鍋專門店"既魚鍋都唔錯

所以行完海港城~之後先再過去食小菜呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

食店係樓上舖..可能唔太顯眼又多食店選擇

所以晏去都仲有檯~而食客方面..同上次一樣

都係比較多日本客人~安坐後..送上醒胃前菜

我地逐個小菜點..先點個"順德銅盤焗污糟雞"



依個雞標榜用生焗方法~上檯後..再撕開鍚紙

第一眼..雞既色水唔吸引~但熱辣辣+聞到陣陣薑蔥雞味

入口完全改觀~雞肉好滑..連雞胸都係好滑

雞夠入味..唔會太濃鹹~味道好平均(配料再多d..仲更加好)



食完..再點個"招積鹽焗豬手"



原鍋送上..上檯撕開錫紙(超香!! 仲啫啫聲)

豬手肉質爽口~味道鹹香帶少少胡椒味

豬手夠晒入味~份量仲非常多



hea陣..最後點個"辣酒煮花螺"

上檯超熱辣辣..辣螺汁仲不停滾動中



螺肉入味但好細粒~味道帶四川有麻辣味

而汁料都較為偏重鹹~辣度完全接受到

味道都ok唔錯~整體食店環境幽靜+乾淨

整體小菜都唔錯~而且慢點慢食又無催迫

而服務都好好呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================