8月9日(Happy Friday)~上個月生日
原本"baby笠"話約我出黎~請我食生日飯
其實近依幾年..已經無搵朋友一齊慶祝生日
反正年年都有生日~費事請來請去咁麻煩ma
依家兩口子平平靜靜地渡過~都已經好滿足
而朋友記得既..留句祝福~亦已經好有心呢
不過都多謝baby笠咁有心~雖然最終都推左佢(哈)
加上習慣同朋友食飯share~既公平又食得輕鬆
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
之後..我話過晒生日先約出黎(免得佢7月份~仲爭住請食飯)
依日咁岩阿喂有飯局~記得baby笠聽日又off
所以就約定依晚聚聚~揀去重慶大廈食"印度菜"
原本想去之前食過既"新德里"都唔錯(不過近來食評差左)
反正仲有咁多選擇~再問問baby笠..有無其他想試
最終決定去"咖喱王"~落完order..送上"胡椒脆餅"
我本身ma ma地鐘意食依個餅~覺得個味太濃烈
依個胡椒味算比較淡..較易接受~而鹹度都ok
![]()
秘製醬..味道少酸而帶香料味~我本身都ma ma地like
![]()
上次同阿喂係"新德里"..一試難忘既"素咖喱角"
今次都要欽點~除左素..仲有牛肉餡選擇
![]()
脆皮層唔油膩~半硬半脆鬆口感
餡料除左薯仔..仲有青豆及紅辣椒乾
整體唔夠咖喱味~香料亦偏重帶微辣..唔吸引
![]()
因為唔知baby笠食到幾辣~建議佢試"馬莎拉燴雞"
味道會偏重茄酸+masala味~辣度亦較為輕
![]()
依個茄酸+masala味好夠..好開胃
但無咖喱香..完全唔辣~雞件煮過火..好鞋口
![]()
食咖喱..伴Naan最適合不過呢
原本我地想叫"芝士薄餅"~問過落單既女服務員
佢話唔係Naan..所以點個"牛油烤餅"
上檯時..單睇賣相已經唔吸引~完全無鬆軟感
![]()
果然..口感實實帶韌身~完全唔係果回事..唔掂!!
![]()
"芒果乳酸"..忘了要少甜
個人覺得..味道超甜~同埋唔係用鮮芒果
係用芒果沖劑調製而成既飲品..不討好
原本問baby笠仲點唔點食物~不過諗左陣
以咁既食物質素~我寧願出去食甜品仲好囉
仲有..落完order服務員話即時入會有8折
佢放底張form後~我地諗住傾埋幾句..慢慢先填
都催左幾次要快d填~整體食物唔掂~服務亦好一般
![]()
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
之後..行陣街~見開始有d口渴
就去厚福街食甜品~貢下貢下入左"糖仁街"
因為塊烤餅仲好頂胃~一人一個未必食得晒
而咁岩大家都想揀中同一款~清爽味既雪花冰
所以點個"白雪紅霞"share食
![]()
西瓜及荔枝味雪花冰~伴上菠蘿..西瓜..仙草燒及粟米片
份量比預期少好多..但味道好清香~食到西瓜及淡荔枝味
唔會好甜~整體雪花冰價格($54)..亦比市面偏高(份量亦少)
同時..食店環境好迫+非常嘈雜~服務亦一般
![]()
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
計計下..原來都好耐無見baby笠~佢都無乜點變
依晚大家都係傾下家庭事~講講笑..又講下鬼故(哈)
同埋..多謝佢買左我本食譜(多謝笠笠)~仲特登拎出黎
叫我簽返個名+提幾隻字~突然間都唔知寫咩好(冏)
依晚食埋甜品差不多10點..就開始返屋企呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
