澳門仔

9月8日(星期六)~依早係屋企食完Brunch

可以輕輕鬆鬆攪下自己野~時間真係好用好多

下午老闆問我晚餐想食咩~記得早排係三坡坊搵食

見好多食店都轉晒手~果道既食店普遍都有水準

人流仲非常暢旺~不過可能租貴..好多都做唔住

之前已經試過"佳得廚藝, 汀汀烤魚, 潮興"等食店

今次決定去試下"澳門仔"呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

食店環境乾淨~格局以澳門特色為主題

卡檯位置舒適..椅背板既高度適中(感覺較有私隱度)




老闆欽點"乳鴿"~因為無留意大門口黑板推廣+價錢

落order後..服務員都提我地~乳鴿推廣價$18.8/隻

我地既即時反應好驚喜(好抵食喎)



皮層雖然無預期既脆口度~但好入味+肉質嫩

炸得唔會好乾既感覺~色澤亦好靚



"豉椒炒蜆"



蜆肉夠嫩身~但唔太入到味

而醬料..豆豉味較淡~醬汁調味夠濃

個汁既濃稠度可以再高d..感覺會無咁稀



原本我諗住叫燒烤食~不過老闆話想食"澳門豬骨煲"

湯底有好幾款選擇~我地揀配"胡椒湯底"(食材份量好足料)



送上豉油後..可以問服務員攞"辣椒"



骨煲食材有..雞腳, 豬仔骨, 桶骨, 豬軟骨, 豬肚

本身豬骨已經重膠質~加埋雞腳質感更加豐富

而湯底煮出有豬骨湯味~同時..亦帶有雞湯味

因為胡椒味唔夠~所以叫服務員幫我地再加多d

我估因應客人口味唔同~調味唔夠都方便可以加



雞腳同豬骨都非常軟腍



配料有粟米, 甘筍, 白蘿蔔, 椰菜, 唐芹~粟米超級甜身

整體食物..骨煲鍋比小菜出色~另外..仲有燒烤串燒食物選擇

而服務方面..整體都好好+有禮貌呢

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================