9月3日(星期二)~話咁快..姨媽聽日走lu
迪迪表弟走果陣..老闆已經話同姨媽farewell
上星期..大表弟話一齊攪餐食~好!! 多人食熱鬧d
原本地點去西貢~不過聽日要返工既真係好遠囉
最終揀去"鯉魚門-南大門"~一行14人歡送姨媽呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
食店要行到最入海邊位置~全海景環境好好
食店格局好泰feel~唔似一般中式酒樓(感覺好舒服)
同時..本身無海鮮供應~要自己買海鮮拎去煮
來料烹煮價錢亦寫得好清楚~服務亦好友善呢
第一道"灼九蝦"..蝦殼好脆身~肉質非常鮮甜
蝦頭既膏仲好甘香~依款蝦唔係成日有貨
![]()
龍蝦兩食.."上湯焗龍蝦(伊麵底)"
![]()
龍蝦肉質超新鮮爽彈~上湯醬料味道好平均
![]()
![]()
"椒鹽瀨尿蝦"
走油剛剛好..肉質鮮嫩~椒鹽料入到蝦身~蒜味+鹽度平均..夠乾身
![]()
"豉汁炒蟶子皇"
蟶子啖啖肉..炒既時間剛好~肉質嫩滑..豉汁味濃香
![]()
"芝士焗龍蝦(伊麵底)"
芝士料好rich好creamy..但味道鹹左少少
龍蝦肉同樣好鮮嫩彈牙~伊麵底吸晒d芝士..超勁正
![]()
"黃皮老虎班"..好巨(接近8斤重)~所以一魚三食
"西蘭花炒斑球"..魚肉好滑新鮮+啖啖肉~調味簡單有魚鮮味
![]()
"薑蔥蒸斑腩"
一下子無交代要蒜頭果皮蒸~味道變得比較單調
但魚肉同樣非常嫩滑~醬油味好融和
![]()
最後一食.."炆骨"
魚骨炸得金黃香脆..好香口~獻汁亦恰到好處..美味!!
![]()
"辣酒煮花螺"
螺肉好彈牙但比較細粒~醬汁唔辣..酒味較輕
另外..麻辣香料味好重~我個人覺得ma ma地好味
![]()
"鹽焗海奄蟹"
鹽味足..焗得好鹹鮮香味~蟹肉鮮甜多膏
![]()
另外..再叫幾個小菜"香蒜骨"
太飽無食到~但聞到個味帶有醋香
![]()
"椒絲腐乳通菜"..仲有個"灼芥蘭"~炒得好夠鑊氣
![]()
買海鮮既檔口~附送"生果盤"
![]()
最後..食店送上"南瓜糖水"
![]()
開胃小吃($20/碟)共四款~除左來料烹煮費..仲有茶芥及+10%
整體食物好有水準~烹煮味道非常美味又少味精呢
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
