4月17日(星期三)~上星期六去黃金海岸"沙嗲軒"食飯
見Lobby Lounge介紹..閒日有High Tea食~之後
我同阿喂講..搵日我自己去食~因為知佢無興趣ma
點知..講完~佢竟然話陪我去食喎(感恩! 佢終於踏出第一步)
西式甜品對阿喂黎講..真係唔係佢杯茶~所以明佢囉
但其實我都唔係甜品迷~唔係咩甜品都like食呢^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
下午茶時間2:30pm-6:00pm(High Tea Set..$398 for 2)
雖然傳統high tea..有講究點食法
不過依家實在太普遍~好多地方都有得食
依唔依傳統規矩..好睇個人+其實已經唔太著重
反而..我會覺得~鐘意食咩就食咩先囉(唔想下下咁約束)
![]()
當然我都係由鹹點食起..之後夾雜又鹹又甜
因為有d甜品太甜~要食返d鹹點中和一下(哈哈)
"迷你豬肉腸熱狗配蛋沙律".."焗迷你菠菜酥"
![]()
熱狗腸用豬肉岩我食~味道淡淡..蛋沙律夠蛋黃香
如果個熱狗包可以焗返脆熱~整體感覺會更好
"菠菜酥"反而好唔錯~酥皮有牛油香..唔油膩
而且淡淡菠菜有適當鹹度~比預期好食
![]()
"迷你法蘭西多士"
中層有豐富花生醬~多士炸得金黃香脆
已經加埋牛油及糖漿..少甜既感覺好ok
![]()
"黑椒牛胸肉蘆筍筒"
阿喂話唔太好味~個筒又唔夠脆
![]()
"鵝肝多士"(繼魚翅後..鵝肝我都已經罷食)
阿喂話依個好味~鵝肝夠甘香喎
![]()
"千層火腿三文治"
依個無咩特別~所以留比阿喂食(哈哈)
![]()
"迷你芝士撻"
個撻又係唔脆(感覺唔係新鮮整囉)
![]()
"煙三文魚火箭菜牛角包"
三文魚質素ok~同樣..如果牛角包焗脆身會更好
![]()
"哈蜜瓜伴巴馬火腿伴藍莓"
唔知粒藍莓去左邊~火腿味道唔夠鹹香
![]()
"雜莓撻仔"
朱古力餡夠濃..撻皮都帶脆
![]()
"栗子撻仔"
花瓣朱古力整得好靚~有甘香栗子茸味
撻仔口感似"鳳凰酥"類..好味道
![]()
"菠蘿慕絲餅"
mousse好軟滑帶菠蘿香味又唔太甜
![]()
"朱古力軟心撻仔".."Macarons"
朱古力撻..有濃郁朱古力味~而且軟心好幼滑
2款macaron超甜到打冷震..杏仁餅有拉扯口感
![]()
"提子鬆餅".."朱古力鬆餅"
兩款都唔錯~外鬆脆內半軟..口感實在唔太乾
![]()
餐飲"凍檸茶".."熱檸茶"
![]()
酒店環境好清幽+服務好ok
而整體食物..甜點比鹹點出色
另外..原來HSBC有折~第二次張單先知(服務員無交代)
![]()
參考high tea總消費 : 折扣後$380 (HSBC PI card 15%off..另+10%c.s)
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
