過年前..同媽咪傾開計~佢話有日睇到報紙介紹
"遺體捐贈計劃"~N年前佢地已經填左"捐贈器官"
今次想填埋"捐贈遺體"~話貢獻比醫科生做教材
不過講完..我無再追問佢地最終處理成點喎
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
上個月港台節目~咁岩有個專輯介紹依個topic
我都有睇..依家捐贈遺體既數目真係好少(因為未普及)
之後爸爸打黎~叫我上網幫佢地搵電話..再問詳情
雖然爸媽無問我地同唔同意~我亦無比任何意見
因為我成日都話~活著就要好好孝順+珍惜親情
做好女兒本份..多關愛佢地~自然心存無憾(一切在心中)
而唔係等人走後..再做任何儀式去悼念~反正剩下來
只係一個無感情/無靈魂既驅殼(當然離開都一定會十級傷心)
同時我會尊重佢地做任何事~就係我去"馬爾代夫"前
佢地已經攪好晒.."遺體捐贈計劃"呢
![]()
原本我話..不如幫外婆填埋
不過因為早年係佛堂已經買左骨灰位
後尾建議佢地考慮賣晒現有及未用既(外公/爺爺/外婆/嫲嫲)
反正到我依一代(包括所有表兄弟姐妹)已經無去拜
講真..佢地年紀再大d都拜唔到~走左都係無人理
倒不如賣左佢..用埋d錢~反正$都帶唔走(可惜無得賣囉)
同埋..我都有話媽咪~儲埋d錢唔好諗住留比我地
應該自己想食就食..想買就買~人生苦短ma
要好好享受人生囉
![]()
4月19日(Happy Friday)~依日自己返娘家^^
反正阿喂要OT~我可以係娘家食埋晚飯先走
11點幾..返到娘家放低d野~之後出去飲茶
飲完茶一齊去買餸~買完返屋企hea玩+傾計lu
是日晚餐~有媽咪靚湯.."蘋果雪耳螺頭湯"
爸爸投訴..叫我多d返去食飯~唔係佢無湯飲(哈哈)
![]()
"椒鹽左口魚"
![]()
依款魚..煎比蒸好食好多~用椒蒜鹽..好惹味
![]()
原本媽咪話買"大虎蝦"~佢知我like食蝦
不過佢唔食得蝦架~所以我話..近排唔想食蝦
爸爸話咁整個"栗子炆排骨"呢
![]()
栗子炆得好粉糯~排骨+冬菇勁入味又好送飯
![]()
例菜.."灼菜心"
依晚飽到反肚~飲左3碗湯+食左半碗飯
食完飯..坐到8點半就走lu^^
![]()
爸媽叫我拎樽湯比湯皇阿喂飲~真係又食又拎(哈哈)
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
