2月26日(星期二)~原本依日已經有餸
阿喂臨時話想出去大牌檔食飯+hea飲啤酒
可能佢見聽日off..想relax下卦~咁是但囉
反正d餸都可以留返聽日當lunch食既^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
講開大牌檔..上年年尾發現食開既"新小菜王"
起初以為佢裝修店舖~點知..原來係關門大吉
最衰老闆娘張卡片唔見左~如果唔係想問下佢
係咪搬左去其他地方~咁我地可以再去食ma
因為佢間食店既小炒..真係好有鑊氣~可以話
食過咁多間大牌檔算數一數二~不過已成過去lu
依日去左"潮興"..先點個"椒鹽九肚魚"
炸得好金黃~九肚魚外鬆脆內軟滑
椒鹽類夠蒜香..鹹度ok
"豉椒炒蟶子"
特別叫"加辣"..醬汁味道調得惹味夠辣
但蟶子過左火~口感比較老
"韭菜豬紅"
韭菜比較少~汁料平凡..欠缺香辣惹味度
"小炒王"
味道偏鹹~但夠鑊氣
另外叫左兩支德國啤+兩支日本啤
食店環境夠光猛+乾淨~服務好ok
整體食物夠鑊氣~炸物夠金黃香脆
但味精超重~食完整晚超口渴封喉
參考晚餐總消費 : $367
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================