愛文生飯店

12月22日(星期六)~依早無出去飲茶

天氣凍..好似成日都唔夠瞓咁~上午起身食d野

洗埋衫+做下家務~hea到下午..又鼠入被竇冬眠

唔經唔覺..一瞓就3個鐘(爽)~起身望下鐘已經6點啦

快快叫埋阿喂起身..換衫出去食飯~依日阿喂話

想去飯店型式食飯~咁岩早前我搵過間"愛文生飯店"

係深水埗區既小炒..介紹話好有鑊氣~所以就去試下先

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

估唔到7點去到已經爆晒要等位~原本我仲諗無咩人

可以揀坐入面光猛又乾淨d+有白磚地既內舖食飯

點知full到要搭路邊檯~好在..搭正個唔食煙既斯文男

不過坐街呢..始終成日要望住個地下~因為好驚有巨強囉
(因為N年前..有次同阿喂係小舖食野~有隻巨強入左阿喂褲管爬上大脾~我就驚到依家lu)

我地坐正露天廚房旁邊~雖然睇到運作過程+師傅廚藝

鑊氣固然好了得~但油煙同樣都好大呢




"豉汁炒蟶子"



超級熱辣辣上檯~蟶子肉比預期細..配料亦少

但肉質好新鮮~同埋個豉汁調得好惹味..正

繼"新小菜王"大牌檔黎講~佢個汁都好有水準



"椒鹽炸鮮魷"



炸得金黃香脆又酥鬆~魷魚肉嫩唔韌口

而且魷魚本身都醃過..好入味~超正



"生炒骨"



青紅甜椒+菠蘿等配料超少~青甜椒仲得一舊

排骨醃得入味..但肉質好壞參半~有部份好韌

炸得都好脆口~甜酸醬汁味道平平..唔突出

另外叫個白飯($10)~唔係用劣米..真係用靚米的

整體食物夠鑊氣+夠熱辣辣~炸物超香脆

服務好ok+快手快腳~人流仲非常十分極之暢旺呢^^



晚餐總消費:$254

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================