11月29日(星期四)~前篇post左"蒸點心"系列
依篇繼續有其他點心+食物~頭輪係"煎炸食物"
"三文魚春卷"..以蝦膠同三文魚做餡~感覺幾新穎
餡料整體清淡唔油膩~春卷皮雖然脆..但欠缺香口
可能依家好多食店都用植物油~我自己用開花生油
炸物既味道..真係好大分別~花生油明顯係香脆金黃好多
![]()
"皮蛋蝦筒".以蝦及皮蛋酸薑做餡~皮蛋味最搶
酸薑唔夠酸度..蝦膠好彈牙~皮層半鬆軟口感
"竹笙上素腐皮卷"..味道清淡~腐皮層夠脆口
本身我係好喜歡食..依款腐皮卷點心呢^^
![]()
"金絲燒鵝酥"..賣相精緻
![]()
外層同樣好脆但唔香口~餡料有薯茸,豬肉,燒鵝肉,菇類
薯茸最多..食唔到有燒鵝味~整體無乜味道..而且都幾油膩
![]()
"鳳梨焗叉燒餐包"..依個唔係傳統既"焗叉燒餐包"
我覺得應該叫"叉燒焗菠蘿包"~表層焗得唔夠金黃
菠蘿皮鬆但唔夠香~包身超感柔軟..而且熱辣辣
餡料除左叉燒仲有少少菠蘿肉
![]()
"香煎鯪魚餅"..魚肉有彈性~而且仲加入唔同材料
![]()
"香煎臘味蘿蔔糕"..口感好軟綿綿
有清香蘿蔔味~臘味唔算多
![]()
"生煎菜肉包"..阿喂最鐘意食菜肉包/生煎包類
我就唔太鐘意..因為餡料太重肉味~阿喂話好食
包身好軟綿綿~餡料唔多但都ok足夠..肉質好嫩
![]()
"菜圃肉粒炒飯".."干燒伊麵"
![]()
炒飯粒粒晶瑩..乾濕度適中~夠鑊氣好香口
菜圃帶惹味~伴豬肉碎,蛋,瓜粒同炒~整體非常好食
![]()
伊麵比較失色..整體唔夠味
![]()
最後輪到"甜品"..共有七款~我地揀左4款試
"酥皮蛋撻仔"..酥皮無牛油香~皮層唔夠酥鬆
蛋撻餡好滑口~唔會好甜而且有蛋味
![]()
"芝麻卷"..傳統食品好多新式酒樓都食唔到lu
依個卷得好靚..夠薄身~芝麻味好濃..口感帶煙韌
![]()
"陳皮紅豆沙"
![]()
超難得食到起沙既紅豆沙~好多糖水店都整唔到個水準
淡淡陳皮味食得出~起沙紅豆夠粉糯..足料又唔會太甜
![]()
"香滑豆腐花"
![]()
滑到不能再滑~真係超滑口..但豆味就比較淡
整體食物以蒸點心較好味~油炸食物夠脆但唔香口
食物方面以健康為主(三低調味)~環境好舒適~服務都好好
![]()
點心buffet價錢 :
(星期一至五 12:00-14:00) - $190/位 (另+10% c.s.)
(星期六至日 11:00-15:30) - $230/位 (另+10% c.s.)
P.S.
之前見D人話食店位置好難搵~其實都唔太難的
去到"1881 Heritage"~上3/F(=塔果層)~由塔行去主樓(近電梯)
就係酒店大門位置~直穿到尾就是"隆濤院"呢
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
