北京人家

11月24日(星期六)~中午同阿喂係"青衣城"食完野

行陣商場就返屋企lu~大家都話趕住返去自由活動

其實我好鐘意咁既生活模式~假期除左互相陪伴外

同一空間..又有自己既娛樂~如果有共同娛樂(岩玩/睇)
又會撞返埋一齊共享~依種相處方式我地覺得好舒服

加上我一向都唔係痴身既女人~比阿喂既空間都好廣

反而佢一年比一年痴身(不過都係件好事~寧願佢痴我..好過我痴佢囉~哈)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依晚我好想食中菜~所以揀左去"北京人家"食京菜

酒樓本身唔算大~依晚仲有人擺酒..變左感覺上仲細

好在有book檯~如果唔係walk in應該都無檯比我地

安坐後..先送上前菜




"鍋貼"



第一感..不太討好~底部明顯煎得唔夠金黃脆身

我同阿喂邊食邊討論~係咪京菜同上海菜既分別

因為食開果間上海菜~無論小籠包/鍋貼都好出色

餡料有汁+有肉香又香脆可口~依個相對真係ma ma



"宋嫂魚羹"(每人有2碗份量)



材料有..鮮魚肉,冬菇,金華火腿,筍絲,蛋白

味道偏濃帶鹹~但糊羹既濃稠度好靚好幼滑

鮮魚肉肉質好滑~絲絲金華火腿食到有鹹腿香味

冬菇同筍絲味道好實在~整體調味淡口一點更好



"[咱家]剁椒鳊魚"(實物同菜譜相片完全一樣..讚)



order時服務員細心提醒我地~依個小菜會有好多細骨

當時真係再三考慮~食完上面二個小菜..最終都決定試下

除左賣相吸引~其二係依款魚未食過..唔想揀食桂花魚呢



魚身真係好多好多細骨~但肉質好嫩滑



夾埋剁椒一齊食..更加提升惹味度

味道算微辣+辣椒味好香~調味好平均..超正

整體食物最欣賞依條魚~個羹其實都ok..淡返d就正晒

另外見其他檯有d小菜都整得好靚~服務方面都好好+有禮貌



晚餐總消費:$311

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

食完飯行陣..阿喂話想食碗熱"芝麻糊"糖水

反正見"蘭苑饎館"好多中式糖水~諗住去試下囉

點知偏偏就無"芝麻糊"~最終佢要碗"合桃露"



我要"蜜糖燉木瓜"..食完就返屋企lu



糖水總消費:$40

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================