9月13日。娘家聚

9月13日(星期四)~依日阿喂OFF

佢主動話入娘家飲茶+探下爸爸媽媽喎

去到酒樓邊食邊傾..話咁快又一點~我又催佢地快d走

返屋企先慢慢傾啦~因為我趕住返去同妹妹玩架(哈哈)

飲完茶..順便去超市買d生果~晏少少當三點三食^^

近月既"車厘子"唔靚~加上價錢平得好恐怖~唔敢買黎食

反而輪到提子好當造..粒粒脹卜卜又新鮮(不過糖份高..唔買比爸媽食呢)




d韓國梨真係好巨



我最鐘意切生果+起肉~反正咁得閒

等我起定個柚子肉先~佢地就掛住打機



柚子+一個梨都飽晒~其他生果留返佢地慢慢食



爸爸同阿喂一樣..最鐘意打戰機/地面戰既games

我同媽媽就鐘意打d搵野/用腦考智力既games

所以一定唔會爭機打~佢地打機+傾計..我就同妹妹玩陣

坐到5點我地就走啦~因為約左人食飯呢^^

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================