Tea Time。UCC

6月28日(星期四)~依日阿喂off..可以出街玩下^^

朝早飲完茶~見咁耐無睇戲..所以跟手買飛去睇"車手"

睇完戲..再入沙田行街~行到咁上下..見阿喂又轉又fing腳

知佢應該好攰~反正已經tea time..所以我話不如去"UCC"

食個下午茶..順便hea下休息下呢~佢答得好快話.."好~!"(哈哈)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
上次去沙田..UCC仲裝修緊~依次去已經正常營業

店鋪d位好似無以前咁好坐~而且服務都略差左d

下午茶餐..我要個"藍莓夾餅(半份)"




我本身都鐘意食waffle(puff就最唔鐘意食)

好早陣子最like係專門店外買即場食~又熱又脆..好正

依個waffle微熱帶半脆~面層有藍莓醬+糖霜..味道微酸帶甜(ok)



伴上雪糕+cream+生果~雪糕無特別可言..但生果過熟



阿喂要個"和風雜菇意粉"



依個唔掂~無色水無味無乜料..完全唔值價



"凍咖啡(x2)"..阿喂本身唔飲咖啡/奶茶~但成日見我飲咖啡

好好奇到底有咩咁吸引~所以話想試下喎..我習慣走甜

佢飲就幫佢加d糖水..可以易入口d~不過佢飲完話好反胃

個胃有不良反應警號+飲唔慣~叫佢以後唔好再試飲囉

整體食物+服務水準都下降左



下午茶總消費:$113

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依2張係睇完戲~係荃灣廣場影既"沙藝展"

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================