8月11日(星期六)~星期中..我會諗定星期六去食咩晚餐
唔..無啦啦又想食德國菜~好懷念上年去"Oma's Kitchen"(<~click)
食店前方係沙灘~飽覽青馬大橋景觀..環境+氣氛+食物都超正
但閒日去會好d~上次閒日去都半full..星期六,日會設有時限呢
講開"德國菜"..另外有次同阿喂家人係元朗食~前身係"香辣屋"
我同阿喂都覺得果間整得唔好食~只係特別在有live band囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
"德國菜"近年係香港越開越多~所以可以試下唔同餐廳
原本前一日係book奧海城3期果間~不過又係有限食時間(1.5hrs)
普通晚餐2hrs都還可以~但一心諗住同阿喂happy hour ma
hea飲hea食2個鐘都唔多夠..更何況1.5hrs~所以揀過另一間
依晚去左黃金海岸既"德國餐廳"~最正係無限時..可以慢慢hea^^
食店內部環境+佈局氣氛都好唔錯~仲伴有輕音樂
但電視播放陳年舊港產片..就比較怪~而且冷氣超凍
我地先點個"脆燒德國豬手伴酸菜燒薯"
德國豬手份量較少~味道唔會好鹹/太乾..口感好ok
另外有2款醬汁及黑醋伴食..減低肉既膩感
我個人覺得..伴黃芥辣醬最正~另外一隻醬汁
味道酸酸甜甜..但又唔似蘋果茸~伴食味道普通
豬手皮層ok脆口~但keep得唔耐..尾段已經開始腍
而皮下脂肪好薄~膠質感唔夠豐厚
伴菜有2款薯仔,車厘茄,西蘭花及底層有酸菜
酸菜味道唔酸..反而較鹹~西蘭花比阿喂食鬼晒ToT
薯件外脆內粉糯~調味料帶新奧爾良風味
另一款薯味更突出~帶清淡香草味
德國啤酒既種類都有幾款..阿喂先試"Konig Pilsener"
我先試"黑啤"~味道夠濃但偏甜..我會喜歡甘苦味多d
之後大家再試同款"Wernesgruner"(x2)
"鮮蝦芝士伴芝麻菜沙律"
食材有沙律菜,醃洋蔥,醃青欖,feta cheese,番茄,鮮蝦
凍到結冰..手指又麻痺~所以要求轉坐outside
鮮蝦超新鮮彈牙~其他沙律菜配料都好新鮮好味
整體食物.."德國豬手"真係無Oma's整得咁好食
配料+酸菜亦比較遜~沙律菜味道就好ok
整體服務都ok~雖然木無表情..但感覺有熱誠的
晚餐總消費 : $473
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================