8月7日(星期二)~阿喂off..朝早打比媽媽諗住約佢地飲茶
點知媽媽依日唔得閒~話約左人又tea又火鍋晚餐喎
唯有等晏d..同阿喂出去食lunch囉~阿喂話想去飯堂ma
所以揀去"意粉屋"呢~去到食店原本想坐卡檯..但無晒
服務員安排我地坐另一張四人檯~剛坐落無耐..再要轉檯
因為坐我地隔離果檯客~有2母女+4個小朋友+1個工人
個媽媽講野大聲到呢..耳膜都比佢震穿~檯檯食客都注視佢
4個小朋友就跑來跑去~一時地下..一時踩住sofa又跑又跳
之後又大叫又大喊~可能服務員留意到我皺晒眉+好唔耐煩
所以好主動話..轉張靜d既檯比我地~連阿喂都話嘈到頭痛
所以最值得一讚..服務員好細心+整體服務真係好好囉
![]()
阿喂揀"意粉專家"系列~套餐有"蒜茸包"+揀選"忌廉湯"
![]()
忌廉湯夠香滑濃郁~蒜茸包半軟脆..蒜味好夠
![]()
"牛肝菌..野菌香草醬扁意粉"
![]()
有淡淡香草味..菇菌份量都夠~意粉有咬口..整體味道好好
![]()
我揀"甜蜜滋味"系列~套餐揀選.."什菜酥皮湯"
![]()
意粉屋既酥皮~次次都焗得好有水準
入口唔油膩+鬆鬆的~什菜湯味道好平均
夠多蔬菜..湯底有鮮茄味~又唔會好鹹
![]()
"橄欖油香草龍脷柳意粉(鮮茄茸)"
![]()
鮮茄茸好濃郁~茄味足+酸度剛好..好正
![]()
龍脷柳肉質滑..味道清淡~配上茄茸好好味
意粉又係好有咬口..整體個意粉好正
![]()
"Oreo Cheese Cake"~論甜品..意粉屋唔算係專長
cheesecake味道唔會太甜~淡淡芝士味..oreo餡味道突出
而餅底唔係整脆身的~整個cheesecake入口有笠滯感
![]()
餐飲"凍咖啡"+"凍檸茶"
整體食店既服務好有禮貌~食物依舊有水準^^
![]()
午餐總消費 : $118
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
