泰肥牛泰國海鮮菜館

12月17日(星期六)~依日天氣都凍凍地

原本諗住晚餐食火鍋..但阿喂又想食泰菜~終於搵左間

可以食泰菜又有得食火鍋既"泰肥牛泰國海鮮菜館"呢

前一日打去book檯~其實都未決定會食火鍋or泰菜架

但book檯時有問..話方便安排喎~咁唯有hold火鍋先囉

不過依日下午諗諗下~其實火鍋食材..來來去去都係果d

主要係用返泰式湯底之ma~所以同阿喂講都係揀返食泰菜

咁岩下午店員打黎comfirm booking~我咪順便轉返泰菜囉

依日去到食店~oh..竟然撞到之前係"金泰城"(<~click)果個老闆

阿喂仲問佢係咪添(哈)~食店地方唔算大..佈局同普通泰菜館差不多




老闆話見咁有緣~啤酒做買一送一比我地喎
(drink list寫住$15/細支..我地飲左3支~但埋單就計$20/細支..仲話我地飲左4支但計2支)(我同阿喂即刻互相打打眼色..都費事同佢擾攘果少少錢~依d野心知就算囉..無下次!!)


"泰式生蝦"



價錢同分量..我覺得唔成正比

蝦夠新鮮但超細隻..辣汁味道都ok



"奶油大頭蝦"



其實原本我係叫"爆炸瀨尿蝦"架~不過話無瀨尿蝦

仲話可以轉用大頭蝦幫我整~但價錢就要計返時價

我最主要想試有幾爆炸之ma~所以用大頭蝦都ok囉

點知佢地落錯單~整左個"奶油大頭蝦"



店員解釋一輪話攪錯之後~講真..當日客唔多

當刻又無人點依個菜~佢地梗係唔想浪費隻大頭蝦再整過

所以我都話算囉..反正未食過奶油~咪當試下囉



大頭蝦真係好巨~大過一隻龍蝦仔既size

奶油味都可以~但多食就好漏同埋甜左少少



蝦既肉質好彈牙..啖啖肉



"乾咖喱筍殼魚"



原條筍殼魚開邊炸透~再伴上咖喱汁



魚炸得夠香脆



咖喱味唔算好香..但味道都唔錯



濃稠度剛好..除左咖喱味再帶點椰香



筍殼魚本身肉質好滑~炸後外脆內軟



"牛油香草包"



淡淡香草味~包身帶半脆半軟口感..味道都ok



"蒜茸包"



夠香蒜味而且包身好香脆

整體食物都ok~但部份食物與價錢不成正比

加上無靚裝修又無靚景~相對收咁既價錢感覺偏高



晚餐總消費 : $532

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================