KRAVIN

12月3日(星期六)~每逢星期六都特別開心^^

因為唔駛煮飯又可以同阿喂去撐檯腳~雖然我超鐘意煮野食

但都要休息下..等更多靈感爆發~咁下星期又會好用心入廚房呢

話時話..近年我地好享受2人世界既生活~可能早年多群體生活

依家反而想多d時間靜靜地2個人相處~同朋友既聚會唔係無既

但唔會好似以前咁一叫就出~間中先出黎聚下..我覺得就ok囉

記得有個長輩同我講過~會同你走完整個人生..最終只係伴侶

仔女大左都有自己生活..朋友更加唔會~所以要好好珍惜對方呢
 ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

哎! 依日就返阿喂去据扒啦~不過其實我都想食西餐就真既(奸笑!!)

依晚揀去九龍城廣場既"Kravin(奇坊)"~食店以黑色為主

帶點神秘感又好有情調既一間餐廳~服務員安排我地坐卡檯

超鐘意卡檯既佈置好似一個包廂~好有私人空間感..超正




安坐後..隨即送上麵包~而檯上已經預備好每人一小杯牛油呢

wow..個麵包熱辣辣+外脆內軟綿綿..好香好好味(衰在唔夠阿喂爭..唔夠喉囉)


點餐後..先送上餐湯~阿喂既"龍蝦湯"

味道都夠濃郁帶甘香膏味..唔錯呢



我個餐湯.."周打魚海鮮忌廉湯"



海鮮料有唔少蜆肉~濃稠度剛好~味道平均又唔會好漏..唔錯



"香煎鵝肝配安格斯西冷牛扒(8oz)"





"鵝肝"..之前睇完段片~我已經唔會再食鵝肝lu





"意式香草焗豬柳配薯菜"



面層既香草+香蒜好乾身又少少脆口..帶得起豬柳既味道



豬柳除左邊位部份有少少鞋口之外..其實都算整得唔錯

當然要比較之下都係"Circle Club Cuisine"(<~click)既水準高好多

因為豬柳本身屬無味~Circle Club會利用煙肉帶起其惹味感

而肉質又保持彈性~依個單係以香草香蒜..難免就只有單調既味道



大家都有一樣既"配菜"





餐飲.."熱檸水"及"熱檸茶"





最後再點個甜品.."心太軟伴雪糕"



依款甜品其實我無食過~因為其實我ma ma地個流心(一直都覺好漏)
但好多人又講到好好食~難得依間依款甜品食評話好..又試下呢



不得不讚..依個甜品整得真係好靚有水準..好夠流心

而蛋糕外層係脆脆..入面帶軟軟~同時又唔會好濕

味道亦都唔會好甜~整體其實都好唔錯



但如果問我..會唔會一試就愛上依款甜品?

我又可以好肯定..唔會囉! 只係純粹個人口味問題呢

整體食店環境好舒服~服務好好又好有禮貌+夠細心

食物明顯好有heart去煮理..整體都係一間有水準既食店呢



晚餐總消費 : $440

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================