Harbourside (1)

1月17日(星期二)~上星期一連5日..剛好完成屋企大掃除

今個星期又要準備忙碌過年前既其他事項~但忙碌之中

我都要抽空安排2口子食個團年飯既呢~早前問過阿喂

想home dinner or出街食飯ma~佢話想自家煮喎

不過我又無咩力煮..想出去食多d(好假民主~問左又自己話事..哈)

但煩又煩在..阿喂剛剛病好少少~好多野都仲要戒口

原本我好想食辣蟹都要放棄~煎,炸,辣野更加唔食得囉

所以突然諗起咁耐無食lunch buffet~反正阿喂day off

就揀去洲際既"Harbourside"食lunch buffet當團年呢^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

之前睇食評見好多人話好正~點都要親身試過先知既

冷盤海鮮類唔算多~主要有蝦,翡翠螺,青口,長腳蟹等

"翡翠螺"都係同以往食既一樣~無咩特別..夠腍身囉




"青口"都無咩特別~普通貨色..無乜青口鮮味



"蝦"..好爽彈夠新鮮



"長腳蟹"..帶少少海水鹹味~肉質鞋唔夠新鮮

食ing既同時..同阿喂不約而同諗起之前食過既"JW"(<~click)

異口同聲話絕對係經典恐怖既回憶~海鮮+食物差到不得了



"刺身類"我無食到~睇個賣相好一般..阿喂都話好普通



"醃吞拿魚"..吞拿魚肉本身帶鞋口~伴酸薑幾開胃~味道都唔錯



小吃冷盤之一..蝦夠爽彈~下層配以油浸蕃茄乾..味道好好



"炸八爪魚餅"..炸得唔香口~八爪魚好少



"三文魚扒"..好普通



Pizza有兩款~餡料味ok..但批底既口感+味道好似麵包

完全無pizza批底果種香脆可口既味道..同埋好乾





"香蒜海鮮忌廉意粉"



即叫即整..味道超正~而且好多自由配搭給客人選擇



意粉醬汁完全唔覺漏~意粉軟硬度好good

不得不讚..buffet既所有廚師都好有禮貌呢



印度類有烤餅..依個好脆口好香



咖喱雞個汁都好香咖喱味~而雞肉都ok嫩口



"咖喱什菌菇"..我好鐘意依款菜~味道清淡中又好入味



"印度炒飯"..正~其實仲有部份食物選擇..例如烤雞等~不過無試到



"燒牛肉"..阿喂話普通



"匈牙利牛肉"..阿喂話依個好食~肉質夠腍+夠入味



"薑蔥炒海鮮"..用龍蝦炒製~依個我都無食到

阿喂話味道係好~但龍蝦肉都係好一般新鮮



(待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================