小船鍋

11月12日(星期六)~當年今日..係我出嫁既大喜日子^^

事隔多年..影像猶新~除左天氣又濕又凍又落雨之外

最深刻既係阿喂黎娘家接我時~我撟住爸爸步出房門

去到阿喂面前~爸爸握住我隻手..親手交比阿喂既一刻

對阿喂講"我將個囡交比你~你要好好對佢..保重"(差點湧眼淚..好在頂得住)

當刻真係好唔捨得囉~不過眨下眼..咁就同阿喂黎到今時今日^^

 ~ ~ ~ ~ ~ ~ ~ ~ ~ ~ ~ ~ ~ ~ ~ ~

依日見天氣涼涼地~所以諗住同阿喂出去食火鍋

香港既火鍋店真係好多選擇~但唔係間間岩食or好食

依晚揀"小船鍋"係因為見標榜話無味精湯底..又不妨試下呢
(依日出門時~原來唔記得拎相機~終於去到食店先發現..以下係用手機拍既相片)





"檳城海鮮湯鍋"..聽店員介紹話似asam laska既味道

即時令我諗起..檳城"極樂寺"山腳好出名果間"Asam Laska"(<~click)

可惜依個湯底唔係果回事~只係有laska味道..但都好濃郁多料



隨湯底附送既"海鮮拼盤"



整體拼盤既用料都ok





原隻蜆..有鮮味





阿喂話依晚唔食牛..陪我食海鮮喎~先點個"桶蠔"



桶蠔爽口有蠔鮮..但份量比預期少
(以價錢而論..有部份火鍋店會以原桶"桶蠔"給客人的)


"魚咀"



肉質夠滑..用料新鮮



"手唧墨魚丸"



"墨魚膠"混合"墨魚肉粒"..有雙重口感而且好鬆軟彈牙



依晚除左飲藍妹~仲叫左一支德國啤酒

依支德國啤酒最後無收錢~因為我地食到中途

店員要搬動我地個位置~其實我唔鐘意食食下搬竇

不過見店員要求既時候好有禮貌~所以都ok囉(所以佢話當陪罪請我地飲喎)



最後送上2款甜品~甜度剛好+煙韌口感..芝麻味好夠

整體食店環境乾淨+夠光猛~但地方好細+座位好迫

似家庭形式既食店~樓面由2位年青人負責打理

而透窗廚房內部..由5-6個大人負責~樓面服務好友善

廚房內部感覺嚴肅~尾段廚部有個女人同個樓面年青人對話

我坐旁邊聽到有d hard feeling~食完起身走..費事阻住囉

食完其實都有少少口渴~始終調味醬油..本身都帶有味精呢



晚餐總消費 : $372

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================