新德里餐廳

11月5日(星期六)~依朝同阿喂飲完茶..一齊行街購物

下午行完返屋企hea陣~再去Elements延續shopping癮

之後就出發食飯lu~依晚揀去重慶大廈既"新德里餐廳"

其實早排已經提議阿喂去試~不過佢推三推四

話人流複雜又話唔知d咖喱岩唔岩食~我都係果句囉..

"理得佢雜唔雜~食野之ma"同埋"未試又點知唔岩食呢"

感恩..依日終於都食得成~仲係阿喂開口話去添喎^^




我試"印度啤酒"..阿喂都係飲返藍妹

印度啤既味道比較淡口~但入口好順喉



點好食物..送上小吃"薄餅"



依隻係脆身薄餅



老闆介紹..薄餅配2款醬汁同食~我問左佢幾次咩名(佢講完再講..都係唔記得)
佢仲話香港無..同埋我都唔會知咩來喎(哈哈)~醬既味道好特別

2款都甜甜地..個味都好唔錯~反而薄餅既味..我地覺得ma ma



Vegetable Samosa.."素咖喱角"



皮層唔油又好鬆脆~用薯仔+豆做餡料再配上咖喱

味道好香咖喱味~餡料又夠清淡~整體唔膩仲好好味



Chicken Tikka Masala.."瑪莎拉烤雞"



依款咖喱..除左有咖喱香味~主打材料仲加有蕃茄

蕃茄味同咖喱味好平均~整個咖喱又香又開胃又惹味



雞件份量都好多~口感絕對唔鞋口..正



"Cheese Nan"



芝士烤餅真係好好味~夠軟身又烤得好香口

中層夾雜軟芝士..味道唔漏~口感超正(再多d cheese仲正)



Fish Madras.."椰汁咖喱燴魚"



椰香味好突出但又有咖喱香~魚件比想像中正

魚件啖啖肉又係唔鞋口~肉質都好唔錯



"Garlic Nan"



蒜香味雖然唔會好濃~但比之前既烤包烤得仲要香脆



內層又係好鬆軟..好好味~整體食店環境以藍光為主..好有情調

印度店員基本能操三種語言~所以就算用中文落單都無問題的

整體食物好有水準~咖喱類同餐牌介紹烹煮既用料好貼實

唔同款既咖喱都有個別突出之處~而且味道好好

烤餅都係好正~同埋服務好唔錯..地方都好乾淨呢



晚餐總消費 : $243

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================