蘇梅之旅(2)

  10月11日(星期日)~"蘇梅島"主要區域~由東部開始數起 有Chaweng,Lamai,Hua Thanon,Bang Kao,Thong Krut,Phang Ka Taling Ngam,Tong Yang,Nathon,Bang Por,Maenam,Bophut,Choeng Mon 當中最旺區為Chaweng屬遊客區~第二旺係Lamai..同屬遊客區 Nathon係全島既中心樞紐~亦係大多數當地居民既居住地 唔同區域基本上分佈好多渡假酒店~當然較偏會相對少一點 好! 講住咁多先~又繼續出發

～～～～～～～～～～～～～～
返到酒店放底行李後~我同阿喂就出town食飯lu 酒店有shuttle bus接送出Chaweng~不過分時段+1日得幾班車 另外部份接送要收費~時間撞唔岩..所以決定同阿喂步行出town 大約用左15分鐘就到~對我地黎講唔算太遠囉~出到去先換錢 大多找換店都收8點~我地出到去都9點啦~所以邊行邊搵d 24小時既 最終係Lyara Plaza換(HKD1:4.2B)~第一餐係Chaweng大街既內巷搵食  
先黎"冬蔭功湯"   個色好濃~味道都唔錯..但d蝦就唔夠新鮮   再點2隻BBQ大蝦   大蝦反而好夠新鮮燒得都好香~肉質都唔錯 但佢地用泰醬~感覺上就差左D lu "香葉炒蜆"~依個都ok   9點幾先去到~BBQ檔都所剩無幾~想點魷魚都無~所以要條燒魚   燒得都唔錯呢   今次多一種汁選擇~我地都鐘意泰汁多過泰醬 唔少得又要啤啤佢啦~是日晚餐850b 食完飯都係10點幾~所以去做個foot massage(200b/hr) 依間係H-D雪糕店隔離~好足鐘..大細力度就因人而異 我地覺得好舒服而且手勢都唔錯~第2日都再有幫襯呢   步行返酒店~梳洗過後..阿喂驚叫發現個行李箱佈滿過百隻蟻 場面極度震撼~越抹越多..越抹越有~移開再睇睇發現來來回回既蟻路 根本佈滿成個行李架~唯有用蚊怕水噴晒個行李箱先~好在work喎 跟手搵receptionist要求即時換房~起初佢都係搵人黎噴下野咋 但真係完全接受唔到與蟻同眠囉~咪再打去要求換房 終於半夜1點安排另一間大d又乾淨d既比我地..好好多呢   只係夜晚d木發出聲音~就有少少影響~其餘大致都ok 第2日清潔既時間仲走左條四腳蛇入黎~岩啦..等佢幫手食昆蟲   洗手間相對細間好多   但d用品又唔同左喎   攪掂晒終於可以瞓覺lu   之前果間房都未黎得切睇個露台~依個露台都算幾大既   (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================