墾丁之旅(10)

6月10日(星期三)~上半日既行程完晒..原來已經3點啦 好在早餐係麥記食得夠飽~所以都唔覺好肚餓~由lunch變成食tea 我地繼續依行程表出發~安排去"後璧湖"既"輝哥生魚片"食魚生 標榜厚切魚生片~份量大而價錢平..所以又去試下呢
我地仲剪左張coupon~免費加大份量喎 整體魚生都ok~不過再凍一點更好~而且都真係幾厚

一份最細既魚生片已經夠晒2個人食~加多支啤酒添(NT$160) 因為無散紙~所以輝哥話算啦..收平我NT$10喎(NT$150) 黃色衫果個就係輝哥啦~而且全場最旺都係佢依間添喎 對面仲有特產區~派阿喂去巡視下先~不過佢話唔太岩買 搵到依條大柱~就會搵到輝哥間舖係邊架啦 食完又繼續出發下半日既行程~依個係"核三廠大風車" 不過無安排參觀"核三廠"~因為plan行程時問阿喂有咩唔想去 佢話最無興趣參觀野喎~所以依個無plan入去睇囉

雖則阿喂話無興趣~我都安排左一個試下先 "龍鑾譚"..免費開放架~不過又係要收停車場費用 泊低架車就沿路行入去參觀~有少少似行靚山既路 不過都無人去既~所以都好靜下囉 依道有個好大既天然淡水湖~仲係好多季候烏棲息既地方 準備入內參觀~沿途一個人都無見過 可以用望遠鏡睇季候烏既一舉一動架 個天然湖真係好大~之不過一隻鳥都睇唔到 天氣又變幻無常~人又無..鳥又無..天又黑~好恐怖呀 所以阿喂口中既搵丁景點~其實我都覺得係架~無野睇既 點知離開墾丁坐的士時~同司機傾開計~話去左"龍鑾譚" 佢笑到停唔到口~話冬天去先有鳥睇~依家去係咩都無得睇架 (待續)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================