墾丁之旅(5)

6月9日(星期二)~是日半天行程..安排同老闆去"小灣沙灘"暢泳 仲玩埋個超難協調既雙人水泡~真係攰到手都震埋 大約玩到6點~我地就返民宿沖涼~再出去食晚飯lu~第一晚係"墾丁" 先安排去"野宴"試下~因為之前睇開高雄資料既時候 發現原來高雄有間旗艦店~心諗..應該都幾出名卦~所以就去試下呢
依間"野宴"係墾丁大街尾既New Port~上二樓就係架啦 7點鐘去到都未係好多人~但越坐就越多客~都幾旺場架 "野宴"其實係"日式燒肉店"~用炭爐燒野食~好有風味呢 以人頭計任食任飲2小時~啤酒就要另外比錢 餐牌上既食物包括有唔同既肉類,海鮮,菜類~都好多選擇 而飲品就有d果汁,樽裝汽水~仲有雪糕食添呢 先送上每樣一份~岩食既就可以再order啦 羊肉本身我同阿喂都唔食架 佢地醃既食物都唔差喎~唔會話好鹹..食完唔會好口渴 而且食物都不錯..好新鮮呢 其實仲有部份order食物..oh~完全唔記得左影添 以防炭爐會大火/過熱~所以奉上一杯冰..用黎放上爐面降溫呢 除左一個炭燒之外~仲會包埋一個火鍋..有3款選擇 我地要個"魚頭鍋"~仲可以配飯架~不過我地都無要 整體食物都唔錯~而且價錢好合理(NT$944) 食完飯正好要消化一下~我地再漫步墾丁夜街 依日人都幾多架~好多學生一大批一大批係街行~港人都唔少呢 好多店舖主要賣衝浪既用品+人字拖~D款式大多模仿Quicksilver 行完夜街買少少啤酒~我地就返民宿飲啤酒+睇電視 第一日既行程順利結束~早抖啊.. (待續)
6月9日(星期二)行程安排 : - 0900-1030 (香港->高雄) - 過關/取行李/換錢 - 坐的士入墾丁,搵民宿+食lunch (吳師傅魯味) - 先check下租機車事宜 - 大/小灣游水 - dinner (野宴)+夜遊墾丁大街 - 返民宿休息

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================